O ministro de Asuntos Exteriores de Portugal defendeu a necesidade de que as empresas portuguesas promovan a lingua portuguesa por medio do seu apoio a lectorados e cátedras de portugués no exterior.
Fonte: Observador
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de xaneiro de 2017
A certificación EGA (Euskararen Gaitasun Agiria) revalidou o Q de calidade, conseguido por primeira vez en 2011 e que manterá ata 2021. Trátase do único certificado con este recoñecemento na acreditación do éuscaro.
Fonte: Noticias de Gipuzkoa
04 de xaneiro de 2017
Os datos do Barómetro do uso do catalán en internet, realizado por WICCAC, sinalan que a porcentaxe de webs que están nesta lingua ou que a inclúen entre as súas opcións alcanzou o 65 % no mes de decembro de 2016.
Fonte: Generalitat de Catalunya
03 de xaneiro de 2017
O secretario xeral de Política Lingüística, Valentín García, asistiu no MOME da Estrada á actividade 'Cantarolas pra xente miúda', acompañado polo tenente de alcalde, Juan Constenla.
Fonte: O Portal da Lingua Galega
03 de xaneiro de 2017
Un grupo de expertos do Consello da Lingua Sueca revelou que no último ano o sueco adoptou un total de 43 novas palabras.
Fonte: The Local
03 de xaneiro de 2017
Un estudo da Universidade de Cambridge revela que as barreiras lingüísticas son aínda un obstáculo para o coñecemento da investigación científica no mundo xa que unha parte importante dos traballos que se publican son en linguas diferentes ao inglés.
03 de xaneiro de 2017
Debido a cambios políticos, sociais e culturais ao longo de todo un século, as familias guipuscoanas foron modificando as súas preferencias á hora de poñerlles nomes ás súas fillas e fillos. Así, a tendencia nas últimas décadas foi decantarse por denominacións máis curtas, pagás e en éuscaro.
Fonte: Noticias de Gipuzkoa
03 de xaneiro de 2017
Forman parte do proxecto Linguatec organizacións vinculadas ao aragonés, o éuscaro e o occitano, como linguas pirenaicas, así como o catalán, o castelán e o francés, que se unen para desenvolver novas tecnoloxías relacionadas coa lingua e o turismo.
Fonte: AraInfo
03 de xaneiro de 2017
A convocatoria de subvencións para a creación, mantemento e reforzo de servizos de normalización lingüística está dirixida a concellos de máis de 5000 habitantes, agrupacións de concellos, mancomunidades e outras entidades locais.
Fonte: Deputación da Coruña
02 de xaneiro de 2017
Veciñas e veciños de Ames de sete nacionalidades diferentes, a maioría procedentes de América Latina, asisten ao obradoiro de lingua e cultura galegas "En galego, co teu acento".
Fonte: El Correo Gallego
Boletín
Subscríbase ao boletín
