Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O programa de dinamización lingüística 'Nadal en Rede', pertencente á programación de actividades da Rede de Dinamización Lingüística (RDL) da Xunta de Galicia, concluíu no concello pontevedrés de Barro cos datos de participación máis altos das súas cinco edicións ata o momento: preto de 5000 asistentes.
Fonte: O Portal da Lingua Galega
A Radio Televisión Vasca EiTB quere continuar incrementando a súa oferta de contidos en éuscaro, así como manter o liderado dos servizos informativos.
Fonte: El Periódico
A cidade estadounidense de Filadelfia acolleu entre o 5 e o 8 de xaneiro a convención anual da Modern Language Association of America (MLA), cuxo programa dedicou tres sesións á lingua galega.
Fonte: Galicia Confidencial
O obxectivo destes cursos, organizados pola Dirección Xeral de Política Lingüística, é axudar aos pais e nais a adquirir coñecementos básicos de catalán para que poidan comprender as comunicacións do seu centro educativo.
Fonte: Última Hora
A televisión pública finlandesa Yle deixará de emitir o seu parte de noticias en lingua inglesa. Con esta medida, a empresa pública quere concentrar os seus esforzos en incrementar a audiencia nos seus servizos en liña.
Fonte: Yle
O ministro norteirlandés Paul Givan anunciou que o Goberno de Irlanda do Norte retirará o financiamento a unha bolsa que potenciaba a aprendizaxe da lingua gaélica.
Fonte: The Irish Times
A Rede de Dinamización Lingüística (RDL) da Xunta de Galicia inicia o ano 2017 cunha ducia de actividades noutros tantos dos seus concellos adscritos. Cercedo-Cotobade, A Estrada, Malpica de Bergantiños, Dumbría, O Rosal, Ribadumia, Neda, Padrón, Coristanco, Xove, Barreiros e Barro acollen ata o sábado a recta final do programa 'Nadal en Rede' con obradoiros musicais e de xogos e xoguetes en galego, concertos didácticos, teatro de monicreques e encontros cos Bolechas.
Segundo datos do Barómetro do Centro de Investigacións Sociolóxicas, só un de cada dez maiores de 18 anos estuda unha lingua estranxeira. Deles, a maioría (77,9%) está aprendendo inglés, lingua á que seguen, a moita distancia, o francés (11%) e o alemán (7,8%).
Fonte: 20minutos
Debido ao descenso do uso do catalán no ámbito xurídico, a Generalitat decidiu intentar reverter esta tendencia mediante unha iniciativa pola que se lles pagará 14 euros aos avogados de oficio por cada escrito que presenten nos xulgados nesta lingua.
Fonte: El País
Un grupo de investigadores da Universidade de Manchester analizou as linguas máis faladas nesta cidade inglesa e elaborou un mapa que representa as diferentes comunidades lingüísticas que hai en cada zona.
Fonte: The University of Manchester
Subscríbase ao boletín
