Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Para impulsar este concurso, organizado pola empresa E-Monte Solucións, o Concello de Santiago instalou varios photocall en diferentes espazos da cidade para que propietarios/as dos terreos se retraten cos nomes tradicionais dos seus montes. Ademais, tamén está aberto o concurso en liña #TeñoMonte.
Fonte: Consello da Cultura Galega
A Irmandade Xurídica Galega e o Concello de Cangas organizan o acto “Unha lingua de lei” para conmemorar estas primeiras sentenzas en galego ditadas nos xulgados de Cangas.
Fonte: Consello da Cultura Galega
O Ourense Film Festival (OUFF) presentou o programa da súa vixésimo primeira edición, onde aposta por unha nova estrutura de contidos con dúas novas seccións competitivas (Iberoamérica e Óperas Primas) e especiais temáticos nos que o cinema galego estará representado por 17 títulos.
Fonte: O Portal da Lingua Galega
No encontro, organizado polo o Consello da Cultura Galega en colaboración coa Xunta e mais coa Fundación Galicia Empresa, Valentín García incidiu no “beneficio para as empresas de incorporaren accións de promoción do uso social do galego á súa actividade”.
Fonte: O Portal da Lingua Galega
Este estudo analizará a versión en éuscaro do nomenclátor das rúas de Pamplona, co obxectivo de aprobar de forma oficial o rueiro da cidade.
Fonte: Pamplona Actual
O Ministerio de Asuntos Exteriores de Italia organiza do 17 ao 23 de outubro a Semana da Lingua Italiana no Mundo. O tema desta nova edición é o italiano e a creatividade.
Fonte: Libreriamo
O Parlamento do Reino Unido reuniu todos os servizos en lingua galesa nun único espazo virtual dentro do seu sitio web. A nova páxina virtual chámase "Y Gornel Gymraeg" (O recuncho galés).
Fonte: BBC
O concurso PanxoliñaZAS ten o obxectivo de promover o uso do galego nos espazos lúdicos e festivos do Nadal mediante a creación de vídeos de panxoliñas en lingua galega.
Fonte: Consello da Cultura Galega
Esta será a terceira edición do festival do cómic vasco, onde organizarán talleres monográficos, proxeccións de cine, novidades editoriais e unha feira de cómics en éuscaro.
Fonte: Deia
O ministro de Educación de Portugal, Tiago Brandão, reuniuse cos conselleiros das Comunidades Portuguesas para debater o peso que a lingua portuguesa debe ter no ensino público e privado da Rexión Administrativa Especial de Macau. No encontro, salientouse a necesidade dunha maior divulgación do portugués.
Fonte: Ponto Final
Subscríbase ao boletín
