Asociacións a prol do gaélico en Irlanda inician unha campaña de protesta despois de que un pub de Cork prohibise a un empregado falar a lingua irlandesa durante a súa xornada laboral.
Fonte: Newstalk
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de setembro de 2016
Ponse en marcha a segunda edición do proxecto “T’agradarà llegir en català” que fará chegar arredor de 9000 revistas en catalán a 300 centros médicos privados de Cataluña para que estean a disposición dos usuarios nas salas de espera.
Fonte: Generalitat de Catalunya
12 de setembro de 2016
A canadense Erín Moure foi a encargada da realización da tradución desta obra de Rosalía de Castro ao inglés baixo o título New Leaves.
Fonte: Culturagalega.org
09 de setembro de 2016
O obradoiro de lingua e cultura "En galego, co teu acento" ofrece 40 prazas destinadas, principalmente, á elevada porcentaxe de poboación chegada de fóra de Galicia ao municipio de Ames.
Fonte: Concello de Ames
09 de setembro de 2016
Das 3107 persoas que se presentaron ás probas oficiais de lingua catalá da Dirección Xeral de Política Lingüística aprobáronas un total de 1984.
Fonte: Generalitat de Catalunya
09 de setembro de 2016
Catro municipios de Escocia desenvolverán un proxecto de aprendizaxe da lingua inglesa para refuxiados procedentes de Siria. O obxectivo é ofrecerlles un espazo para practicar a lingua e potenciar así a súa integración.
Fonte: BBC
09 de setembro de 2016
A cidade chinesa de Macau abre o novo curso académico nas escolas cun obxectivo: fomentar o ensino do portugués.
Fonte: Ponto Final
09 de setembro de 2016
O premio Guillem Nicolau galardoará escritores aragoneses en lingua catalá. Este premio, unido ao creado en abril (premio Desideri Lombarte) para galardoar as persoas que promovan o catalán, formalizan a aposta do Goberno pola promoción desta lingua.
Fonte: ABC
08 de setembro de 2016
A Xunta desenvolve unha campaña informativa de promoción do ensino do galego no Bierzo e en Sanabria
A Xunta de Galicia, a través da Secretaría Xeral de Política Lingüística da Consellería de Cultura e Educación, incrementa nos días previos ao comezo do curso escolar a difusión dunha campaña para concienciar as familias das comarcas leonesas do Bierzo e de Sanabria das vantaxes do ensino bilingüe en galego e castelán.
Fonte: O Portal da Lingua Galega
08 de setembro de 2016
O Cervantes ampliará as súas accións de proxección internacional do galego en colaboración coa Xunta
O Instituto Cervantes, que conta con 76 sedes en todo o mundo, ampliará desde este ano as súas accións de proxección internacional da lingua galega en colaboración coa Xunta de Galicia.
Fonte: O Portal da Lingua Galega
Boletín
Subscríbase ao boletín
