O Congreso celebrouse co obxectivo de presentar experiencias dos e das docentes de Educación Secundaria Obrigatoria en canto ao uso do galego no currículo educativo.
Fonte: O Portal da Lingua Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de setembro de 2016
05 de setembro de 2016
José Luís Carneiro, secretario de Estado das Comunidades Portuguesas, anunciou que Portugal vai crear unha plataforma dixital que permitirá mellorar e fortalecer o ensino da lingua portuguesa dos fillos de emigrantes transitorios.
Fonte: Luxemburger Wort
05 de setembro de 2016
Desde a súa posta en marcha no mes de xullo, "Galicia culturea" ten programado e colaborado en preto de 600 actividades desenvolvidas en 150 concellos.
Fonte: O Portal da Lingua Galega
05 de setembro de 2016
O ministro de Cultura do Brasil, Luís Filipe Castro Mendes, confirmou que o Goberno brasileiro enviará arquivos dixitais ao Museo da Lingua Portuguesa de São Paulo despois de que un incendio destruíse parte das súas instalacións.
Fonte: Dnoticias
03 de setembro de 2016
Investigadores da Universidade Penn State dos EUA revelaron que o uso terapéutico da lingua de signos pode ter efectos beneficiosos en nenos e nenas con problemas relacionados coa linguaxe como a apraxia da fala.
Fonte: Science Daily
03 de setembro de 2016
Unha importante fundación benéfica outorgou un premio humanitario a un neno australiano de seis anos por aprender a lingua de signos para axudar un compañeiro de clase xordo.
Fonte: Notícias ao Minuto
02 de setembro de 2016
A Consellería de Educación, Investigación, Cultura e Deporte da Comunidade Valenciana abre o prazo para matricularse nas probas de nivel para obter os certificados oficiais de lingua valenciana.
Fonte: Valencia Noticias
01 de setembro de 2016
A sede do Centro Galego de Arte Contemporánea acolleu a primeira reunión de traballo do novo Plan de dinamización da lingua galega no tecido económico 2016-2020 cunha representación dos principais axentes implicados na súa posta en marcha, logo da súa aprobación polo Consello da Xunta o pasado 4 de agosto.
Fonte: Xunta de Galicia
01 de setembro de 2016
A Asociación Portuguesa de Editores e Libreiros (APEL, polas súas siglas en portugués) organiza a primeira Festa do Libro de Belém que se dedicará exclusivamente á literatura lusófona.
Fonte: Diário Digital
01 de setembro de 2016
O Goberno da India aprobou a emisión de programas en lingua baluchi na emisora nacional india All India Radio (AIR, polas súas siglas en inglés). Os espazos radiofónicos nesta lingua destinaranse principalmente ás persoas que viven na provincia paquistaní de Baluchistán.
Fonte: The Huffington Post
Boletín
Subscríbase ao boletín
