O ministro principal de Gales, Carwyn Jones, anunciou no festival nacional Eisteddfod un novo plan para incrementar o número de falantes de galés a un millón en 2050.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de agosto de 2016
25 de agosto de 2016
Os galardoados deste certame organizado polo Concello de Vilalba son:
-Primeiro premio: Telúrica de Xosé Otero Canto.
-Segundo premio: Sonetos Preposicionais de María José Lamas Fernández.
Fonte: Concello de Vilalba
25 de agosto de 2016
A Consellería de Cultura, Educación e Ordenación Universitaria destinará un total de 306 663,88 euros a renovar a súa colaboración coa Universidade de Salamanca, coa Uniwersytet Warszawski (Polonia), coa Sveucilište u Zadru (Croacia) e coas alemás Ruprecht- Karls- Universität Heibelberg, Freie Universität Berlin e Universität Leipzig.
Fonte: Xunta de Galicia
25 de agosto de 2016
Un total de 32 cursos de aprendizaxe do valenciano ofertará a Universidade Popular de Valencia para todos os cidadáns interesados en ampliar o seu coñecemento da lingua propia da comunidade.
Fonte: La Vanguardia
25 de agosto de 2016
Malia que a convocatoria para ocupar o posto de xefe de informativos de IB3 non esixe como requisito o coñecemento do catalán, o director xeral desta canle afirma que si deberá ser competente nesta lingua.
Fonte: Diario de Mallorca
25 de agosto de 2016
O secretario xeral de Política Lingüística, Valentín García, asistiu ao espectáculo de contacontos 'Contos vellos para rapaces novos' en Pontecesures.
Fonte: O Portal da Lingua Galega
24 de agosto de 2016
Un profesor do estado brasileiro de Espírito Santo creou a primeira aplicación para móbil que permite aprender a lingua pomerana, variedade do alemán falada nalgúns estados meridionais do Brasil.
Fonte: Globo
24 de agosto de 2016
A Área de Normalización Lingüística da Universidade de Vigo ofrece diferentes cursos presenciais e virtuais centrados en varios temas como linguaxe sanitaria, extensión cultural, redacción de documentos administrativos etc.
Fonte: La Región
24 de agosto de 2016
O Goberno de Cataluña impartirá clases de catalán aos refuxiados que cheguen á comunidade co obxectivo de que coñezan a lingua e a cultura catalás, para favorecer a adaptación á nova sociedade na que terán que convivir.
Fonte: La Vanguardia
24 de agosto de 2016
Un total de 325 centros de ensino de Primaria e Secundaria do País Vasco imparte clases en tres idiomas distintos, éuscaro, castelán e inglés. O obxectivo para o 2019 é lograr que todos os colexios vascos sexan plurilingües.
Fonte: Diario Vasco
Boletín
Subscríbase ao boletín
