Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Departamento responsable dos asuntos das zonas de fala gaélica de Irlanda, a Comisión Fullbright Irlanda-Estados Unidos polo Intercambio Educativo e outras institucións de EUA e Canadá outorgaron unhas bolsas a 7 estadounidenses e 2 canadenses para estudar irlandés na zona de fala gaélica de Connemara.
Fonte: Irish Central
Bota a andar a 30 edición do Curso de Verán de Lingua e Cultura Portuguesas na Universidade de Macau. Este ano, o evento contará coa maior participación da súa historia.
Fonte: Ponto final
A Dirección Xeral de Política Lingüística do Departamento de Cultura da Generalitat de Cataluña presenta os resultados do estudo Ofercat 2015 sobre o emprego do catalán nos comercios de Lleida.
Fonte: Generalitat de Catalunya
A empresa de tecnoloxía en código aberto Irontec presentou o primeiro dicionario offline gratuíto de éuscaro, dispoñible tanto en aplicación móbil como en formato web.
Fonte: Grupo SPRI
O conselleiro presentou na compostelá praza das Praterías o novo programa da Consellería de Cultura, Educación e Ordenación Universitaria, "Galicia Culturea". Unha iniciativa que durante os meses de xullo, agosto e setembro ofrecerá ao longo da xeografía galega unha completa oferta cultural e de ocio pensada para todos os públicos.
Fonte: O Portal da Lingua Galega
A asociación PuntoGal celebrará o 25 de xullo co lanzamento dun Documento Galego de Identidade (DGI) na rede. Con esta iniciativa, a asociación quere visibilizar o orgullo de ter un dominio .gal e de sermos galegos e galegas.
Fonte: Praza Pública
O conselleiro de Cultura, Educación e Ordenación Universitaria, Román Rodríguez, participou no acto de conmemoración do 131 aniversario do pasamento de Rosalía de Castro, no que definiu a precursora das nosas letras como un símbolo equiparable á bandeira, ao escudo e ao himno. “Unha figura que nos une aos galegos e galegas e que queremos como unha gran nai símbolo de todos e todas nós”, salientou.
"O galego campa!", o programa dirixido á mocidade participante nos campamentos de verán da Xunta de Galicia, que promoven a Secretaría Xeral de Política Lingüística e a Dirección Xeral de Xuventude, Participación e Voluntariado, segue a dinamizar a lingua galega durante as vacacións estivais.
Fonte: O Portal da Lingua Galega
El ayuntamiento coruñés de Melide cerrará la exitosa gira del espectáculo ‘Os Bolechas van ás Olimpíadas’ en el ‘FalaRedes’, promovido desde la Secretaría General de Política Lingüística de la Consejería de Cultura, Educación y Ordenación Universitaria.
Fuente: Xunta de Galicia
Un total de 126 concellos galegos beneficiarase das axudas da Consellería de Cultura, Educación e Ordenación Universitaria para levar a cabo accións de promoción do uso da lingua galega no ámbito local. A Secretaría Xeral de Política Lingüística publicou no Diario Oficial de Galicia (DOG) a Resolución do 13 de xullo de 2016 pola que se conceden subvencións ás entidades locais de Galicia para a promoción do uso da lingua galega.
Subscríbase ao boletín
