Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    01 de marzo de 2016
    Convócanse actividades de formación lingüística para o persoal do sector público galego

    Xa está aberto o prazo de inscrición para participar nos cursos formativos que convoca a Escola Galega de Administración Pública.

    Fonte: Consello da Cultura Galega

    01 de marzo de 2016
    Un ditame abre a posibilidade de que o mapuche se converta en lingua oficial na rexión chilena da Araucania

    Un ditame elaborado por unha oficina pública da República de Chile permitiría ao Goberno da rexión da Araucania a opción de oficializar a lingua mapuche.

    Fonte: La Tercera

    01 de marzo de 2016
    O novo currículo escolar do Brasil elimina a obrigatoriedade do estudo da literatura portuguesa

    A reforma do currículo escolar brasileiro non recolle a obrigatoriedade do estudo da literatura portuguesa. O Goberno de Dilma Rousseff revisará o proxecto ante as críticas suscitadas por esta iniciativa.

    Fonte: Diário de Notícias

    01 de marzo de 2016
    Ábrense as inscricións para a quinta edición da Olimpíada da Lingua Portuguesa

    Botou a andar a quinta edición da Olimpíada da Lingua Portuguesa, iniciativa promovida polo Ministerio de Educación do Brasil co obxectivo de perfeccionar o ensino da lingua portuguesa nas escolas públicas.

    Fonte: Globo

    01 de marzo de 2016
    O presidente de Chipre envíalle unha carta á UE para pedir a oficialización da lingua turca

    Por medio dunha carta á Unión Europea, o presidente de Chipre, Nicos Anastasiades, pediu a oficialización da lingua turca en Europa, idioma que fala o 20 % da poboación do país insular.

    Fonte: Shanghai Daily

    29 de febreiro de 2016
    O Goberno de Aragón inicia o proceso para procurar unha grafía común e oficial para normalizar o uso do aragonés

    O Goberno de Aragón iniciou un proceso de procura dunha grafía común e oficial co obxectivo de superar a dispersión que supón o uso de distintas grafías.

    Fonte: AraInfo

    29 de febreiro de 2016
    A Administración local de Muros usará o galego como lingua preferente

    Un novo regulamento aprobado no Concello permite promover e normalizar o uso do galego como lingua prioritaria por parte da Administración local.

    Fonte: Galicia Confidencial

    29 de febreiro de 2016
    O Bierzo festexará o Día do Galego coas VIII Xornadas Martín Sarmiento

    Baixo o lema “A diversidade lingüística, garantía da riqueza patrimonial”, as xornadas, organizadas pola Comisión Cultural Martín Sarmiento, desenvolveranse en Vilafranca do Bierzo o vindeiro 9 de marzo.

    Fonte: Consello da Cultura Galega

    29 de febreiro de 2016
    Ponse en marcha unha campaña en Navarra para solicitar a opción de elixir estudos de FP en éuscaro

    Varios colectivos solicitan que os impresos de prematrícula de Formación Profesional conten cunha cela que permita expresar a demanda en éuscaro para estes estudos.

    Fonte: El Diario Vasco

    26 de febreiro de 2016
    O municipio bretón de Riantec adhírese á carta de apoio á lingua bretoa

    Un novo municipio da Bretaña francesa aprobou a súa adhesión á carta de apoio á lingua bretoa "Ya d'ar brezhoneg" que inclúe 55 accións de promoción e difusión do bretón.

    Fonte: Le Télégramme

    Boletín

    Subscríbase ao boletín

    Logo Feder