Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Unha nixeriana afincada no Reino Unido, Adebunmi Adeniran, desenvolveu un teclado que permite a escritura en 12 linguas de Nixeria. O invento facilitará a aprendizaxe de linguas e o uso das novas tecnoloxías por parte da poboación nativa do país africano.
Fonte: 360nobs
O plan anual de fomento do éuscaro do concello de Ortuella vai dirixido a potenciar a aprendizaxe e utilización desta lingua na localidade.
Fonte: Deia
O libro Ramón Lugrís. Sempre Galicia, Sempre Europa, sobre este tradutor e xornalista recentemente falecido, presentouse no salón de actos da Secretaría Xeral de Política Lingüística.
Fonte: Xunta de Galicia
O Centro de Linguas da Universidade do Miño ofrece unha importante formación en linguas nos campus de Braga e Guimarães. Neste novo semestre, ofértanse un total de 11 linguas.
Fonte: Correio do Minho
Tan só o 45 % dos estudantes de secundaria españois estuda dúas ou máis linguas fronte á media europea que alcanza o 60 %.
Fonte: La Vanguardia
Tras modificarse a Lei do éuscaro, o modelo D ofertarase en 1º de Infantil na zona non vascófona.
Fonte: Diario de Navarra
O ciclo Linguas a Escena, organizado en colaboración coa Escola Oficial de Idiomas de Ponferrada, poñerá en escena obras en galego, portugués, francés e inglés dirixidas ao público interesado en aprender outras linguas.
Fonte: InfoBierzo
A quinta edición do Club de Debate chega a once concellos galegos a través dos servizos de normalización lingüística co obxectivo de fomentar a fluidez comunicativa en galego.
Fonte: Consello da Cultura Galega
O Proxecto Dragal, impulsado pola Secretaría Xeral de Política Lingüística, é unha iniciativa multimedia e multidisciplinar que están a desenvolver os equipos de dinamización lingüística de centros de ensino galegos.
Fonte: Consello da Cultura Galega
A Secretaría Xeral de Política Lingüística lembra que o prazo de inscrición para as probas Celga convocadas para o mes de abril está aberto ata o vindeiro luns 8 de febreiro.
Fonte: Xunta de Galicia
Subscríbase ao boletín
