A empresa de servizos lingüísticos Priberam habilitou un suplemento que permitirá a consulta de catro dos seus dicionarios en varios programas de Microsoft Office.
Fonte: Wintech
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
29 de xaneiro de 2016
28 de xaneiro de 2016
O cuarto informe do Consello de Europa afirma que o asturiano aínda non é lingua oficial e pídelles ás autoridades que tomen medidas de apoio para este idioma.
Fonte: Asturnews
28 de xaneiro de 2016
Unha investigación do grupo Bitraga, equipo de investigación da Facultade de Filoloxía e Tradución da Universidade de Vigo, cifra en preto de 5000 as traducións literarias no período 1980-2014.
Fonte: Universidade de Vigo
28 de xaneiro de 2016
O Colexio de Educación Infantil e Primaria Poeta Avelino Díaz da localidade lucense de Meira presentou oficialmente o seu novo nome dedicado ao devandito escritor nun acto no decurso do cal se procedeu ao descubrimento dunha placa conmemorativa.
Fonte: Portal da Lingua Galega
28 de xaneiro de 2016
O premio Xoán Manuel Pintos galardoa o impulso de uso da lingua galega á vez que mantén viva a imaxe do escritor e xurista.
Fonte: La Voz de Galicia
27 de xaneiro de 2016
Un grupo de escritores e investigadores crearon o Instituto Sardo-Corso de Formación e Investigación (ISCOFOR, polas súas siglas en italiano) que desenvolverá iniciativas de carácter histórico, lingüístico, literario e cultural sobre Sardeña, Córsega e outras rexións do Mediterráneo.
Fonte: Buongiorno Alghero
27 de xaneiro de 2016
Un estudo da Universidade de Luxemburgo, que conta coa participación do Instituto Camões, analizará a importancia de aprender a lingua materna para o éxito académico de alumnado de orixe portuguesa.
Fonte: Mundo Português
27 de xaneiro de 2016
O documento "E a partir de agora que?" recibiu 29 achegas tanto de membros da Comisión Euskera 21 como de especialistas nos últimos meses.
Fonte: Goberno Vasco
27 de xaneiro de 2016
A Academia Vasca de Policía e Emerxencias de Arkaute destina 350 000 euros ao Instituto de Alfabetización e Reeuscaldunización de Adultos (HABE) para que os alumnos da promoción XXV reciban cursos de formación de éuscaro.
Fonte: El Mundo
27 de xaneiro de 2016
O secretario xeral de Política Lingüística, Valentín García salientou hoxe “a importancia que ten dispoñer da obra de Filgueira Valverde no idioma propia de Galicia, polo gran valor que o autor ten como polígrafo e piar fundamental da nosa lingua e cultura”, na presentación da primeira tradución ao galego de Historias de Compostela.
Fonte: Xunta de Galicia
Boletín
Subscríbase ao boletín
