Manuel Rivas gañou o Premio da Crítica na categoría de Narrativa en galego pola súa novela O último día de Terranova, mentres que María do Cebreiro fixo o propio no apartado de Poesía co poemario O deserto.
Fonte: Faro de Vigo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de abril de 2016
O xefe do Goberno de Macau, Fernando Chui Sai On, declarou que a ex-colonia portuguesa quere converterse en centro de formación de portugués na rexión de Asia-Pacífico.
Fonte: Sapo 24
24 de abril de 2016
Segundo establece unha resolución do Tribunal de Xustiza da Unión Europea, as facturas emitidas en territorios fronteirizos onde se falen varias linguas non poderán estar exclusivamente nun só idioma.
Fonte: El Economista
22 de abril de 2016
Diversas cidades de Cabilia, no norte de Alxeria, acolleron mobilizacións que demandaron unha oficialización efectiva da lingua bérber ou tamazight no país norteafricano.
Fonte: Nationalia
22 de abril de 2016
Os servizos culturais da embaixada de Portugal en Timor Leste organizan a semana da lingua portuguesa en Dili que acollerá, entre outras, actividades relacionadas co cinema, a literatura e a música.
Fonte: Notícias ao Minuto
22 de abril de 2016
Sorginen Kondaira é un videoxogo en 3D ambientado na mitoloxía vasca e que está en éuscaro.
Fonte: Noticias de Gipuzkoa
22 de abril de 2016
Co gallo da celebración do Día das Letras Galegas, a Coordinadora de Traballadores/as de Normalización da Lingua pon en marcha esta iniciativa co obxectivo de darlle maior visibilidade ao galego en todas as situacións sociais.
Fonte: CTNL
22 de abril de 2016
A Asociación PuntoGal e a Federación de Librarías de Galicia van poñer en marcha, co gallo da celebración do Día do Libro, a campaña Cultiva a Lectura que inclúe a adquisición de dominios .gal por 15 euros.
Fonte: Codigo Cero
21 de abril de 2016
A Consellería de Cultura e Educación leva esta fin de semana aos concellos de Arteixo, Xinzo de Limia, Soutomaior e Vilamarín dúas das propostas de dinamización lingüística do programa FalaRedes.
Fonte: Xunta de Galicia
21 de abril de 2016
O secretario xeral de Política Lingüística, Valentín García, inaugurou o II Simposio Norteamericano de Estudos Galegos: Renovación académica, comunicación artística e innovación social, que organiza a Universidade de Michigan-Ann Arbor coa colaboración da Consellería de Cultura, Educación e Ordenación Universitaria, por medio das secretarías xerais de Política Lingüística e de Cultura.
Boletín
Subscríbase ao boletín
