Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un estudo realizado por un equipo de investigadores da Universidade de Edimburgo e o Instituto de Ciencias Médicas da cidade india de Hyderabad demostrou que os falantes de varias linguas teñen máis posibilidades de recuperarse tras sufrir un derrame cerebral.
Fonte: Scotsman
A monografía Literaturas extranjeras y desarrollo cultural. Hacia un cambio de paradigma en la traducción literaria gallega é unha obra colectiva que recompila dez traballos que analizan o fenómeno da tradución no ámbito literario.
Fonte: Consello da Cultura Galega
Escola Valenciana demanda unha lei de normalización lingüística para o valenciano e que se incremente o investimento nesta lingua para aumentar o seu prestixio e o seu uso social.
Fonte: La Vanguardia
O orzamento dedicado ao asturiano pasa de 1 552 684 € en 2015 a 1 570 664 € e as accións propostas para poñer en marcha son as mesmas que o ano pasado.
Fonte: Asturies.com
O Comité dos Xogos Olímpicos de Río de Janeiro e a Organización Internacional da Francofonía (OIF) asinan un convenio de colaboración que garantirá a promoción da lingua francesa no Brasil.
Fonte: Agência Brasil EBC
O sitio de contidos turísticos TripAdvisor rexeita a publicación de comentarios escritos en galés porque viola a política lingüística da empresa.
Fonte: Daily Post
Continúa o descenso no uso do catalán na Xustiza, pois baixou do 12,4 % de sentenzas emitidas en catalán en 2013 ao 12,2 % no ano seguinte, fronte a un 87,8 % en castelán.
Fonte: Abogacía
O 3 de decembro é o Día Internacional do Éuscaro e para celebralo o Concello de Donostia ten programadas máis de 150 actividades.
Fonte: Donostiako Udala
Google revela nun comunicado que introducirá ferramentas para xerar contido traducido en YouTube.
Fonte: Administradores
A Rede para a Promoción da Diversidade Lingüística (NPLD, polas súas siglas en inglés) presentou a Folla de Ruta para a Diversidade Lingüística que avogará pola igualdade de todas as linguas europeas.
Fonte: Nationalia
Subscríbase ao boletín
