Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Con ocasión do Día Internacional dos Dereitos da Infancia, o colectivo de escolas de fala occitana denuncia nun comunicado que o Estado francés segue a rexeitar a aplicación do artigo 30 da Convención sobre os Dereitos do Neno que aborda a diversidade lingüística.
Fonte: Jornalet
A rexión de Friúl-Venecia Giulia investirá 30 000 euros en software para traducir ao friulano documentos de diferentes oficinas públicas.
Fonte: Trieste Prima
Estes cursos foran eliminados en 2009 e están dirixidos a xuíces, fiscais, letrados da Administración de Xustiza e demais funcionariado do ámbito xudicial da Comunidade Valenciana.
Fonte: 20minutos
Os gobernos vasco e paraguaio asinarán un convenio de colaboración para impulsar a normalización do guaraní tomando como exemplo a experiencia do éuscaro.
Fonte: El Diario
O Concello de Ribeira porá en marcha estas actividades en colaboración coa área de Servizos Sociais e os centros educativos do municipio.
Fonte: Consello da Cultura Galega
Na presentación do proxecto de orzamentos do Concello de Pamplona para o ano 2016 sinalouse cales serán as cinco liñas prioritarias, entre as que se encontra o impulso ao éuscaro.
Fonte: Navarra.com
Entre as medidas de fomento do galego, o Concello triplicará o persoal e o orzamento para o servizo de normalización lingüística.
Fonte: Agencia Noticias
A Mesa pola Normalización Lingüística presenta un novo proxecto didáctico en galego destinado á educación infantil: o libro ilustrado O abecedario.
Fonte: Galicia Confidencial
O secretario xeral de Política Lingüística, Valentín García, asistiu en Bruxelas á Conferencia sobre Multilingüismo, Migración e Economía que organiza a Rede para a Promoción da Diversidade Lingüística (NPLD).
Fonte: Xunta de Galicia
A creación desta dirección de planificación lingüística considérase indispensable para garantir a posta en marcha de medidas nos medios de comunicación públicos incluídas no Plan de dignificación da lingua asturiana.
Fonte: Asturies.com
Subscríbase ao boletín
