Este sindicato argumenta que o decreto para o plurilingüismo vai en detrimento da presenza do galego, que se reduce a un terzo do horario.
Fonte: Galicia Confidencial
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de outubro de 2015
27 de outubro de 2015
O Instituto Nacional de Linguas Indíxenas de México (INALI) e a Secretaría de Políticas Lingüísticas da República de Paraguai asinaron un convenio de cooperación para fomentar e protexer o patrimonio cultural e lingüístico dos seus pobos indíxenas.
Fonte: Terra
27 de outubro de 2015
A Universidade Intercultural de Puebla acolleu membros do Instituto Nacional de Linguas Indíxenas de México e outros expertos para consensuar a normativización do idioma totonaco, falado nos estados mexicanos de Veracruz e Puebla.
Fonte: Terra
27 de outubro de 2015
A Confederación de Comercio de Cataluña entrega estes premios co obxectivo de recoñecer o esforzo dos galardoados do sector comercial por promover o uso do catalán.
Fonte: Generalitat de Catalunya
27 de outubro de 2015
O Ministerio de Xustiza rexeitou a queixa presentada en galego pola Marcha Mundial das Mulleres en relación co asasinato de Isabel Fuentes o 8 de maio de 2015 e ínstaa a que presente o escrito en castelán.
Fonte: Sermos Galiza
27 de outubro de 2015
Esta asociación pontevedresa organiza "Falamos galego!", unha iniciativa coa que se busca crear espazos para que a veciñanza practique galego coa axuda dun mestre que resolverá as dúbidas lingüísticas.
Fonte: Consello da Cultura Galega
27 de outubro de 2015
Este pasado domingo 25 de outubro rematou, en Ponteareas, a xira do espectáculo ‘Os Bolechas, na máquina do tempo’ do programa FalaRedes 2015 que, desde a Secretaría Xeral de Política Lingüística, promove a Consellería de Cultura, Educación e Ordenación Universitaria en concellos da Rede de Dinamización Lingüística (RDL) da Xunta de Galicia, coa colaboración das deputacións provinciais da Coruña e de Pontevedra en concellos da súa competencia territorial.
27 de outubro de 2015
Unha proposta apoiada polo ministro de Educación israelí, Naftali Bennett, podería introducir o ensino obrigatorio do árabe nas escolas israelís.
Fonte: Language Magazine
27 de outubro de 2015
A Academia das Ciencias de Lisboa asinou un acordo de cooperación co Pórtico da Lingua Portuguesa para a promoción e enriquecemento do léxico portugués.
26 de outubro de 2015
Tras dous anos de interrupción regresa ás aulas, entre o 26 de outubro e o 22 de decembro, unha nova edición do programa Solaskide de reforzo da oralidade en éuscaro.
Fonte: 20minutos
Boletín
Subscríbase ao boletín
