A illa de San Simón, en Redondela, reúne ata o vindeiro 24 de outubro poetas e tradutores e tradutoras procedentes de diversos países que participan este ano no Obradoiro Internacional de Tradución Poética ‘Con barqueira e remador’, un proxecto pioneiro e único en España que sitúa Galicia no mapa da rede de iniciativas dedicadas ao intercambio entre linguas, poéticas e sistemas literarios.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de outubro de 2015
20 de outubro de 2015
O Ministerio de Asuntos Exteriores de Italia, a Academia della Crusca e a Confederación Suíza participan na organización en todo o mundo da XV edición da Semana da Lingua Italiana.
Fonte: Il Quotidiano della PA
20 de outubro de 2015
A aprobación dun acordo cultural bilateral entre Italia e Bosnia e Hercegovina permitirá reforzar o ensino da lingua italiana nas universidades do país balcánico.
Fonte: Ansa Med
20 de outubro de 2015
A deputada do BNG Rosana Pérez pediulle ao Goberno que lle explicase por que nas pasadas eleccións municipais do mes de maio se emitiron as credenciais de concelleiros só en castelán. O Goberno apuntou que a responsabilidade da exclusión do galego é das xuntas electorais de Galicia.
Fonte: El Diario
20 de outubro de 2015
Con motivo da chegada ao Estado español de Netflix, a Plataforma pola Lingua envioulle unha carta para solicitarlle que emita contidos en catalán.
Fonte: La Vanguardia
20 de outubro de 2015
O VI Día da Ciencia en Galego celébrase o mércores 4 de novembro, unha data para a que a Coordinadora Galega de ENDL está a organizar unha videoconferencia vía web cun investigador galego da Universidade de Santiago de Compostela.
Fonte: Consello da Cultura Galega
20 de outubro de 2015
A Facultade de Filoloxía de Santiago acolle os días 20 e 21 de outubro o Congreso Internacional MULTILEX ‘Lexicografía multilingüe en rede’.
20 de outubro de 2015
Na XVII edición dos Encontros para a Normalización Lingüística expuxéronse os datos e as experiencias de normalización e planificación pensadas para os máis novos. Ademais, constatouse que cómpre un traballo colaborativo entre entidades e institucións que permita inverter a baixada de galegofalantes.
Fonte: Consello da Cultura Galega
20 de outubro de 2015
A escasa ou nula transmisión xeracional do valón, no sur de Bélxica, podería levar á súa desaparición, informou un representante da Biblioteca dos Dialectos de Valonia. Hai só un século falábao un 80 % da poboación.
Fonte: Terra
20 de outubro de 2015
Membros de asociacións a prol do gaélico irlandés reuníronse para mostrar o seu apoio a un programa de investimento que axudaría a crear postos de traballo en zonas de fala gaélica, por medio de empresas que fomenten o uso da lingua.
Fonte: Irish Times
Boletín
Subscríbase ao boletín
