Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O presidente de Chipre, Nicos Anastasiades, comunicoulle ao líder turcochipriota Mustafa Akinci que defenderá a oficialización do turco na Unión Europea. Esta decisión interpretouse nalgunhas fontes como un achegamento entre as dúas partes do conflito que separa o país mediterráneo.
Fonte: In-Cyprus
A Deputación Foral de Biscaia e 39 municipios biscaíños apoian o modelo educativo en éuscaro (D) onde todas as materias, excepto a lingua castelá, son impartidas neste idioma.
Fonte: ABC
A realización da festa da Oficialidade da Lingua Asturiana en Bimenes servirá para declarar o asturiano como lingua oficial no concello.
Fonte: La Nueva España
As mulleres musulmás que non demostren un nivel suficiente do inglés correrán o risco de ser expulsadas do Reino Unido.
Fonte: America Aljazeera
Unha institución do Canadá recoñeceu que a lingua segue a ser o principal obstáculo para a integración da comunidade portuguesa no país americano, sobre todo para as xeracións máis vellas.
Fonte: Impala
O Instituto Internacional da Lingua Portuguesa, con sede en Cabo Verde, quere crear un vocabulario común nas áreas da ciencia e a tecnoloxía para todos os países de fala portuguesa.
Fonte: Infonet
Os profesionais de enfermería procedentes da Unión Europea que desexen traballar no Reino Unido deberán demostrar mediante unha proba nivel que falan inglés con fluidez.
Fonte: BBC
A cuarta edición do programa Berbagunea, promovido polo Concello de Bilbao e a Deputación foral de Biscaia, reúne uns 1600 euscaldúns e estudantes co obxectivo de fomentar o uso do éuscaro e "sacalo á rúa".
Fonte: 20minutos
A proposición non de lei presentada polo grupo parlamentario de Ciudadanos propón que o alumnado andaluz de Primaria, Secundaria e Bacharelato poida estudar galego, éuscaro e catalán.
Fonte: Galicia Hoxe
As institucións vascas presentaron este novo símbolo do éuscaro para fomentar o emprego desta lingua nas relacións cotiás no marco dunha campaña cuxo lema é "Dálle alas ao éuscaro" (Eman hegoak euskarari).
Fonte: Deia
Subscríbase ao boletín
