Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A rede de centros plurilingües de Galicia, posta en marcha pola Xunta en 2010 para mellorar a aprendizaxe de linguas estranxeiras, contará este curso con seis membros novos: Compañía de María e Valle Inclán I, en Ferrol; Jorge Juan e CEIP O Ramo, en Fene; Virxe da Cela, en Monfero; e Virxe do Mar, en Narón.
Fonte: La Voz de Galicia
O Sindicato de Traballadores e Traballadoras Intersindical solicitoulle ao Goberno balear que modifique a lei e volva esixirse o requisito da lingua catalá para acceder ás convocatorias de emprego da Administración.
Fonte: Diari de Balears
Malia unha lixeira diminución de consumo de radio en catalán con respecto ao ano anterior, a cota nesta lingua continúa sendo maioritaria, mentres que no caso da televisión o castelán se mantén como a lingua principal.
Fonte: El Periódico
O conselleiro de Cultura, Educación e Ordenación Universitaria, Román Rodríguez, e mais o secretario xeral de Política Lingüística, Valentín García, mantiveron unha xuntanza de traballo coa Irmandade Galega de Adegueiros (IRGADE) para abordar o Plan de dinamización da lingua galega no tecido económico 2015-2020, que pretende potenciar e ampliar o uso do galego no eido empresarial e cuxa aprobación está prevista para finais de ano.
O Diario da República de Portugal anunciou a creación das escolas portuguesas de Cabo Verde e San Tomé e Príncipe que terán como obxectivo a promoción e difusión da cultura e lingua portuguesas.
Fonte: Sapo
Nace en Nova York a compañía Saudade Theatre co fin de visibilizar o teatro portugués na cidade estadounidense.
Son un total de oito as entidades ilerdenses que presentaron este manifesto para defender o uso do catalán no Concello. Nel solicítanlles aos grupos políticos municipais que non fagan un uso partidista da lingua e que se comprometan coa normalización lingüística.
Fonte: La Vanguardia
Ambas as institucións subscribiron un acordo de colaboración para a promoción do éuscaro no ámbito universitario que contén posibles liñas de traballo para poñer en marcha.
Fonte: Noticias de Navarra
Segundo os resultados dunha enquisa, o árabe e o urdú son os idiomas estranxeiros que experimentan un maior crecemento nos EUA.
Fonte: RT
O Concello sardo de Parada, en colaboración coa oficina responsable da lingua sarda e a biblioteca municipal, lanzou un proxecto de valorización e promoción da lingua sarda nas escolas de preescolar da localidade.
Fonte: La Nuova Sardegna
Subscríbase ao boletín
