Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Instituto Cervantes, a Universidade de Salamanca e a Universidade Nacional Autónoma de México presentaron un novo certificado do dominio do español por medios electrónicos: o SIELE (Servizo Internacional de Avaliación da Lingua Española).
Fonte: El Mundo Financiero
A nova corporación municipal de Llanera decidiu poñer en marcha un servizo de normalización lingüística no Concello.
Fonte: Asturies.com
Este obradoiro de lingua e cultura galegas está dirixido a persoas de fóra de Galicia e inmigrantes ou emigrantes retornados, así como calquera persoa interesada en coñecer o idioma e a cultura de Galicia.
Fonte: Concello de Ames
O Ulises de James Joyce xa se pode ler en éuscaro grazas á tradución que vén de publicar a editorial Igela.
Fonte: EiTB
Ao longo do mes de setembro Redondela acollerá varias actividades de dinamización lingüística dirixidas a bebés e á primeira infancia, como apoio ao desenvolvemento do programa Apego.
Fonte: SNL de Redondela
Galejobs é un portal destinado a persoas residentes en Galicia que procuran un posto de traballo. Un grupo de profesionais de diferentes ámbitos puxo en marcha este servizo dispoñible integramente en lingua galega.
Fonte: Código Cero
O director da compañía IB3 quere que a Universidade das Illas Baleares sexa a responsable de coordinar o modelo lingüístico deste ente.
Fonte: El Día
Baixo o lema ‘Para dicir todo o que queiras’, a rede de euskaltegis AEK apela a un uso práctico do éuscaro, destinado á súa utilización nas actividades diarias.
Fonte: Deia
Segundo os datos do sindicato educativo Suatea, un ano máis existen centros de ensino que non contan con mestre de lingua asturiana.
Fonte: Asturies.com
A lei de linguas do anterior goberno resultara moi polémica, entre outras cuestións, pola denominación aplicada ao catalán da franxa e ao aragonés: Lingua Aragonesa Propia da Área Oriental (Lapao) e Lingua Aragonesa Propia das áreas Pirenaica e Prepirenaica (Lapapyp), respectivamente.
Fonte: El Periódico de Aragón
Subscríbase ao boletín
