Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    11 de agosto de 2015
    Descenden os alumnos de linguas cooficiais mentres que se incrementan os de alemán nas escolas de idiomas

    Segundo datos do Ministerio de Educación, nas escolas de idiomas descendeu o número de alumnos que quere aprender catalán, éuscaro, galego ou valenciano, mentres que se incrementou o número dos que escollen alemán ou inglés.

    Fonte: Antena 3

    11 de agosto de 2015
    A páxina web do 061 de Galicia permitirá atender a persoas xordas a través do sistema de videointerpretación da lingua de signos

    A Central de Coordinación da Fundación Urxencias Sanitarias de Galicia-061 acolleu a presentación do Programa de Atención a Persoas Xordas do 061 de Galicia.

    Fonte: Xunta de Galicia

    11 de agosto de 2015
    São Paulo acolle a Primeira Mostra de Cine nas Linguas Cooficiais de España

    O Instituto Cervantes de São Paulo organizou esta mostra que permitirá a exhibición de producións realizadas en éuscaro, catalán e galego na maior cidade de Brasil.

    Fonte: Aguas Digital

    10 de agosto de 2015
    A escasa utilización das linguas indíxenas de Costa Rica sitúaas en risco de desaparición

    Cada vez menos persoas en Costa Rica coñecen as linguas autóctonas, motivo polo cal os sete idiomas indocostarriqueños están en risco de desaparecer.

    Fonte: La Nación

    10 de agosto de 2015
    A rede de Ensino de Portugués no Estranxeiro contará con menos horarios malia o aumento do alumnado

    Segundo os datos do Instituto Camões, pasarase de 317 (2014-2015) a 314 (2015-2016) horarios/profesores, mentres que os estudantes aumentarán de 43 003 a 44 196.

    Fonte: Notícias ao Minuto

    10 de agosto de 2015
    O Goberno de Aragón contará por primeira vez cunha dirección xeral de Política Lingüística

    O novo Goberno aragonés creou, por primeira vez, unha dirección xeral de Política Lingüística para defender a diversidade lingüística de Aragón (español, aragonés e catalán).

    Fonte: El Mundo

    10 de agosto de 2015
    A Xunta de Galicia renova o seu convenio coa Universidade do País Vasco para o ensino da lingua galega

    A Xunta destina máis de 58 000 euros ao ensino da lingua, da literatura e da cultura galegas nos plans de estudo da Universidade do País Vasco.

    Fonte: Galicia en el Mundo

    10 de agosto de 2015
    A editorial galega Kalandraka publica unha obra de Maurice Sendak en lingua maia

    Kalandraka publicou Onde viven os monstros, a obra máis coñecida de Maurice Sendak, en lingua maia baixo o título Te'tu'ux ku kajtal le wáayo'obo.

    Fonte: Galicia Hoxe

    07 de agosto de 2015
    Segundo unha enquisa, os británicos senten temor a falar linguas estranxeiras

    Os resultados da sondaxe amosan que a unha cuarta parte dos británicos prodúcelles tensión falar unha lingua estranxeira.

    Fonte: Sputnik

    07 de agosto de 2015
    Un seminario tratará a situación da lingua portuguesa en Angola

    O seminario celebrarase en Lubango o 26 de agosto no marco da conmemoración do 40 aniversario da independencia de Angola.

    Fonte: Angop

    Boletín

    Subscríbase ao boletín

    Logo Feder