Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Cultura, Anxo Lorenzo, e o director da Agadic, Jacobo Sutil, participaron no acto de presentación da oitava edición de Culturgal, a Feira das Industrias Culturais de Galicia que se celebrará en Pontevedra os vindeiros 4, 5 e 6 de decembro.
Fonte: Xunta de Galicia
O conselleiro de Cultura, Educación e Ordenación Universitaria, Román Rodríguez, fixo entrega do IX Premio de Narrativa Breve Repsol ao escritor e avogado Marcos Calveiro, pola súa obra Fontán.
Fonte: Xunta de Galicia
O proxecto de reforma da empresa de radiodifusión pública italiana non prevé emisións en linguas como o friulano ou o sardo. Porén, a norma si inclúe a posibilidade de ofrecer espazos noutras linguas como o francés, o alemán e o esloveno.
Fonte: Nationalia
A Cámara dos Deputados do Brasil aprobou un proxecto de lei que garante o uso da lingua materna a todos os estudantes indíxenas.
Fonte: Boa Vista Agora
A Unión de Consumidores de Galicia (UCGAL) realizou un estudo no que se sinala a falta de integración do galego nos servizos de atención ao consumidor dos principais grupos de distribución de Galicia.
Fonte: 20minutos
O Consello de Cornualles aprobou un plan de fomento e protección da lingua córnica que se incorporará paulatinamente ás comunicacións e publicacións oficiais.
Fonte: Western Morning News
Unha campaña animará os cidadáns finlandeses a empregar o finés cos estranxeiros co fin de axudalos a mellorar as súas destrezas nesa lingua.
Fonte: YLE
O cuarto vídeo do ano 2015 do proxecto Poziktibity presentouse en Bilbao, un vídeo que está directamente relacionado co Día Internacional do Éuscaro.
Fonte: Bilbao Actual
Arredor de 70 concellos galegos asistiron ao Encontro de política lingüística municipal, un encontro no que se alertou sobre o retroceso da normalización lingüística na Administración local durante os últimos anos.
Fonte: Galicia Hoxe
O valenciano será a lingua habitual de comunicación da Generalitat, segundo se acordou nunha reunión da Comisión Interdepartamental para a aplicación da Lei de uso do valenciano.
Fonte: La Vanguardia
Subscríbase ao boletín
