Malia os esforzos dos últimos anos, as dúas variedades da lingua osetia faladas en Osetia do Norte, pertencente a Rusia, e Osetia do Sur, rexión integrada dentro de Xeorxia, están en perigo de desaparición.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de xullo de 2015
A directora do Instituto do Cerebro e das Ciencias da Aprendizaxe da Universidade de Washington (EUA), Patricia Kuhl, demostrou que o mellor período da infancia para aprender linguas estranxeiras é o que vai dos cero aos sete anos.
Fonte: Porvir
30 de xullo de 2015
Este novo informe revela, entre outros datos, que o 60 % das persoas nacidas en Cataluña cun dos dous proxenitores tamén nativo usa o catalán cos seus fillos.
Fonte: Generalitat de Catalunya
30 de xullo de 2015
A tenda de zapatos compostelá Moskín foi a gañadora do concurso cunha campaña deseñada por Tino Barreiro na que se mesturan as palabras e os zapatos. O premio de 5000 euros servirá para pór en marcha o proxecto gañador.
30 de xullo de 2015
Ramón Lorenzo e Antón Santamarina, dous dos fundadores do Instituto da Lingua Galega, foron homenaxeados no marco do III Congreso Internacional de Lingüística Histórica.
29 de xullo de 2015
Paraguai quere tomar como modelo o traballo desenvolvido en materia lingüística co éuscaro para aplicalo á normalización do guaraní, lingua oficial deste país xunto co español.
Fonte: La Vanguardia
29 de xullo de 2015
Publícase o dicionario PORTOgués-inglés, que revela aos turistas e estranxeiros os trazos distintivos do portugués da cidade do Porto.
Fonte: Público
29 de xullo de 2015
O presidente de Francia, François Hollande, envioulle unha carta ao presidente da Rede Europea para a Promoción da Diversidade Lingüística, Patxi Baztarrika, para mostrar a súa disposición a ratificar a Carta Europea das Linguas Rexionais ou Minoritarias.
Fonte: Eitb
29 de xullo de 2015
A Mesa pola Normalización Lingüística denunciou este caso de discriminación por falar en galego a unha nena de 10 anos nun campamento de hípica e impulsou unha concentración de protesta en Arteixo.
Fonte: Galicia Hoxe
29 de xullo de 2015
As xestións da Dirección Xeral de Política Lingüística de Cataluña permitiron que o portal de dicionarios en liña WordReference.com incorporase recentemente un dicionario de definicións en lingua catalá.
Fonte: Generalitat de Catalunya
Boletín
Subscríbase ao boletín
