O secretario xeral de Política Lingüística, Valentín García Gómez, inaugurou na Facultade de Filoloxía da universidade compostelá (USC) o II Congreso Internacional da Rede de Lexicografía (RELEX).
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de outubro de 2015
06 de outubro de 2015
Con motivo da semana da lingua fidxiana, o ministro neozelandés de Pobos do Pacífico defendeu a necesidade de que a poboación procedente de Fidxi preserve a súa lingua vernácula, sobre todo ante o descenso do seu uso por parte dos falantes.
Fonte: Pacific Scoop
05 de outubro de 2015
A agrupación en defensa da lingua galesa Cymdeithas yr Iaith Gymraeg celebrou un encontro no que se analizou a posibilidade de acadar o obxectivo do millón de falantes no País de Gales.
Fonte: Wales Online
05 de outubro de 2015
A Coordinadora Galega de Equipos de Normalización e Dinamización Lingüística rexeita o Premio da Cultura Galega 2015 na modalidade de Lingua por mostrarse contraria á política lingüística que leva a cabo a Xunta.
Fonte: Galicia Confidencial
05 de outubro de 2015
A Dirección Xeral de Política Lingüística está a elaborar un plan acollida lingüística destinado aos refuxiados de orixe siria que cheguen a Cataluña.
Fonte: Generalitat de Catalunya
05 de outubro de 2015
O investimento de 124 050 euros do Concello destinarase a bolsas e axudas para promover o uso do éuscaro. Preténdese impulsar a formación de persoas adultas e de monitores de tempo libre, así como reforzar a creación cultural nesta lingua.
Fonte: Noticias de Álava
05 de outubro de 2015
A Axencia para a Modernización Tecnolóxica de Galicia (Amtega), en colaboración co Instituto da Lingua Galega (ILG) da Universidade de Santiago de Compostela (USC) e a Secretaría Xeral de Política Lingüística, pon a disposición da cidadanía no Repositorio de Software Libre da Xunta o Dicionario da pronuncia da lingua galega. Isto permitirá que calquera persoa usuaria interesada poida empregalo, modificalo e distribuílo libremente.
02 de outubro de 2015
Unha lingüista documenta algunhas linguas ameazadas que falan os cidadáns de Toronto e demostra que algunhas se conservan mellor na metrópole canadense que nos seus lugares de orixe.
Fonte: The Star
02 de outubro de 2015
A comisaria da Lingua Galesa, Meri Huws, anuncioulles aos entes públicos do País de Gales as medidas que deberán cumprir para acollerse á nova lexislación a prol do galés.
Fonte: BBC
02 de outubro de 2015
O conselleiro de Cultura, Educación e Ordenación Universitaria, Román Rodríguez, deulles a benvida a máis de 400 dos auxiliares de conversa de 14 nacionalidades que prestarán servizo este curso no sistema educativo galego.
Fonte: Xunta de Galicia
Boletín
Subscríbase ao boletín
