O Departamento de Cultura da Generalitat de Cataluña, a través da Comisión de Toponimia, creou un novo espazo web para promover a toponimia catalá entre os cidadáns e os municipios.
Fonte: Generalitat de Cataluña
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de xuño de 2015
A rede social Twitter traballa para darlle ao éuscaro unha maior presenza coa inclusión do dominio .eus e os traballos en colaboración coa fundación PuntuEUS para recoñecer esta lingua e poder detectar os tuits escritos nela.
Fonte: EITB
22 de xuño de 2015
Un estudo realizado pola Axencia Rexional da Lingua Friulana (ArLef) revelou que o 60 % dos habitantes das provincias italianas de Udine, Gorizia e Pordenone (Friúl-Venecia Xulia) falan a lingua friulana.
Fonte: Diario di Udine
22 de xuño de 2015
Unha asesora da rexión autónoma de Sardeña anunciou que proximamente se presentará o concurso público que garante o uso vehicular da lingua sarda nas escolas.
Fonte: Regione Sardegna
22 de xuño de 2015
Os concellos de Ordes e Muxía celebraron coa xente miúda o arranque das vacacións de verán cunha proposta de lecer en galego que festexa os días de estío e que chega da man da Secretaría Xeral de Política Lingüística.
Fonte: Xunta de Galicia
20 de xuño de 2015
A ferramenta Skype Translator poderá traducir agora conversas en tempo real en francés e alemán.
Fonte: Código Cero
20 de xuño de 2015
O máis importante premio literario destinado a autores de lingua portuguesa, o Premio Camões, recaeu este ano na escritora portuguesa Hélia Correia.
Fonte: DN
19 de xuño de 2015
O Museo da Lingua Portuguesa de São Paulo (Brasil) dedicaralle en 2016 unha exposición ao escritor portugués José Saramago.
Fonte: Sapo
19 de xuño de 2015
A Mesa pola Normalización Lingüística pretende, con esta medida, darlle un impulso á lingua galega desde os municipios. Entre as súas propostas figuran a atención en galego, o seu uso por parte dos cargos públicos ou a elaboración de materiais didácticos neste idioma.
Fonte: El Correo Gallego
19 de xuño de 2015
A Coordinadora de Traballadores/as de Normalización da Lingua envioulles ás organizacións políticas que formarán parte das novas corporacións das deputacións provinciais unha proposta para que estas institucións adquiran un compromiso firme coa lingua galega.
Fonte: CTNL
Boletín
Subscríbase ao boletín
