A Xunta de Galicia reuniuse en Bilbao cos responsables da política lingüística do Goberno vasco e da Generalitat de Cataluña. A xuntanza enmárcase no Protocolo de colaboración en materia de política lingüística asinado polos tres gobernos a prol da coordinación de esforzos na defensa dos intereses do multilingüismo no Estado e mais en Europa, así como do intercambio de experiencias relativas ás diversas áreas de traballo dos procesos de revitalización do galego, o éuscaro e o catalán.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de xuño de 2015
18 de xuño de 2015
O Campionato Europeo de Fútbol que se celebrará en Francia en 2016 falará tamén occitano: a guía do afeccionado será distribuída nesta lingua na cita que o acontecemento deportivo terá na cidade de Tolosa.
Fonte: Jornalet
18 de xuño de 2015
O Parlamento de Galicia aprobou por unanimidade unha proposición non de lei do BNG na que se lle reclama á Xunta que dialogue co Goberno da Junta co obxectivo de impulsar o ensino da lingua galega no Bierzo.
Fonte: El Progreso
18 de xuño de 2015
Plataforma pola Lingua inicia unha campaña para que os taxistas utilicen o catalán cos seus clientes
Esta campaña iniciada pola organización Plataforma pola Lingua ten como principais destinatarios os taxistas de nacionalidade estranxeira de Cataluña, aos que animan a utilizar o catalán cos seus clientes. Para logralo, entregáronlles un libro con frases útiles en catalán, español e inglés.
Fonte: ABC
18 de xuño de 2015
A campaña de promoción da lingua catalá “E ti, xogas en catalán?”, do Consorcio pola Normalización Lingüística, conta xa con 407 negocios adheridos, aínda que se espera que este número incremente de cara ao Nadal, cando a campaña acade o seu momento máis importante.
Fonte: Generalitat de Cataluña
18 de xuño de 2015
O próximo curso escolar, a provincia de Huelva contará cun total de 89 centros educativos bilingües, tras a incorporación de dous novos institutos de secundaria. De todos estes, a gran maioría imparte educación bilingüe en inglés, mentres que cinco o fan en francés.
Fonte: 20 minutos
17 de xuño de 2015
A ministra de Educación de Ghana informou de que se introducirá o ensino obrigatorio en linguas locais nas escolas do ensino básico.
Fonte: Citifmonline
17 de xuño de 2015
Segundo os resultados dunha enquisa realizada en Francia, o 72 % dos franceses está a favor de que a República ratifique a Carta Europea das Linguas Rexionais e Minoritarias.
Fonte: Europe1
17 de xuño de 2015
Do 8 ao 10 de xullo no Fórum Carballo celebrarase o XI Curso de Verán sobre Dinamización Lingüística "Traballando en Lingua" no que se analizarán os cambios e afianzamentos lingüísticos na mocidade.
Fonte: Consello da Cultura Galega
17 de xuño de 2015
A nova corporación municipal de Palma de Mallorca utilizará o catalán como lingua exclusiva de comunicación, dado que é a de maior uso nos medios de comunicación baleares.
Fonte: Mallorca Confidencial
Boletín
Subscríbase ao boletín
