Alumnos da Universidade de Aberystwyth (País de Gales) iniciarán unha nova folga de fame para impedir o peche da residencia universitaria para falantes de galés.
Fonte: Wales Online
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de xuño de 2015
16 de xuño de 2015
O ministro de Educación de Suráfrica, Panyaza Lesufi, declarou que a partir de 2016 os alumnos do primeiro e segundo ano de primaria poderán cursar unha lingua africana.
Fonte: Eyewitness News
16 de xuño de 2015
A nova colección do Instituto da Lingua Galega estréase cun volume titulado Toponimia e variación dialectal en galego. Os topónimos rematados en -oa, -oá, -úa, -uá, de Carolina Pérez Capelo.
16 de xuño de 2015
Román Rodríguez, conselleiro de Cultura, Educación e Ordenación Universitaria, entregou os premios a curtas de animación en galego realizadas baixo a técnica stop-motion no marco do programa de dinamización lingüística Nós tamén creamos!
Fonte: Xunta de Galicia
16 de xuño de 2015
O premio Feuseren Farnaburua, entregado pola Asociación de farmacéuticos euscaldúns, recaeu no laboratorio farmacéutico CINFA polo seu labor de impulso e promoción do éuscaro, con accións como a participación no Dicionario dixital de farmacia en éuscaro.
Fonte: Noticias de Navarra
16 de xuño de 2015
A editorial Anagrama creou un novo premio de novela en catalán para descubrir novos autores nesta lingua, xa que desde que comezou a publicar títulos en catalán, estes só foran traducións doutras linguas.
Fonte: El Periódico
16 de xuño de 2015
En resposta a unha campaña de Iniciativa polo Asturiano, concelleiros de máis de vinte concellos de Asturias xuraron os seus novos cargos en lingua asturiana, o que consideran un éxito desde a organización.
Fonte: Asturnews
16 de xuño de 2015
Tribual é un xogo tipo Trivial en liña creado por unha empresa vasca que se pode descargar para móbiles en tres linguas diferentes (éuscaro, castelán e inglés) e que xa conta con máis de 1500 descargas.
Fonte: EITB
15 de xuño de 2015
A Universidade de São Paulo (USP, polas súas siglas en portugués) aprobou unha resolución que permite impartir materias optativas só en lingua estranxeira.
Fonte: Globo
15 de xuño de 2015
O Goberno de Cabo Verde aprobou o Acordo Ortográfico da Lingua Portuguesa que entrará en vigor en outubro.
Fonte: Notícias ao Minuto
Boletín
Subscríbase ao boletín
