Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Esta iniciativa de promoción do éuscaro busca que os cidadáns de Oarsoaldea utilicen o éuscaro cando compran nos comercios locais. Cada vez que o fagan, recibirán unha tarxeta que lles permitirá entrar nun sorteo de entradas de teatro.
Fonte: Diario Vasco
O acto, dirixido aos nenos, busca achegalos á cultura tradicional asturiana, en concreto o traxe e o baile, e para iso contará co asturiano como vía de comunicación.
Fonte: 20 minutos
De todas as linguas estranxeiras que se estudan nos EUA, o coreano rexistrou o maior incremento proporcional no número de inscricións en cursos de centros de ensino superior.
Fonte: Latimes
A Orde dos Avogados do Brasil (OAB, polas súas siglas en portugués) propuxo cambios nas regras do Acordo Ortográfico da Lingua Portuguesa. Un dos asuntos que presenta máis dúbidas é o uso do trazo.
Fonte: O Debate
O secretario xeral de Política Lingüística, Valentín García, participou en Bos Aires na apertura do XI Congreso Internacional da Asociación Internacional de Estudos Galegos (AIEG), que organiza a devandita asociación.
Fonte: Xunta de Galicia
As empresas Nestlé, Banco Santander, Danone e Coca Cola (entre outras) néganse a utilizar o catalán nos seus produtos e servizos, para o cal se basean en 340 disposicións legais.
Fonte: El Confidencial Digital
Centos de persoas congregáronse en Palma de Mallorca para reivindicar a recepción das canles televisivas 3/24 e C33, que emiten en lingua catalá, e que actualmente están en perigo de desaparecer do sinal de TDT nas illas Baleares.
Fonte: El Mundo
O ensino do grego antigo está en decadencia nas escolas británicas. Só 37 centros impartiron a materia no último ano do ensino secundario.
Fonte: The Guardian
A Federación de Rusia clausurou diversos medios de comunicación de Crimea, entre os que se inclúe a canle de televisión ATR, a principal que emitía en lingua tártara.
Fonte: KyivPost
Trátase da resposta á Comisión Interuniversitaria de Política Lingüística das universidades de Galicia que lle enviou ao Ministerio un informe sobre a utilización do galego como lingua científica no ámbito universitario.
Fonte: Praza Pública
Subscríbase ao boletín
