Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    27 de marzo de 2015
    Linguas como o portugués e o turco poderían deixar de ofrecerse nas escolas británicas

    O Partido Laborista británico declarou que, se non se toman medidas urxentes, linguas como o portugués ou o turco poderían desaparecer dos programas escolares.

    Fonte: BBC

    27 de marzo de 2015
    Preséntase na Facultade de Dereito da Universidade de Santiago o volume Termos esenciais de dereito mercantil

    Termos esenciais de dereito mercantil é un manual práctico que conta con 1218 conceptos en galego e castelán.

    Fonte: Universidade de Santiago de Compostela

    27 de marzo de 2015
    A Xunta amosa a súa satisfacción pola decisión do Supremo que ratifica a legalidade do decreto de plurilingüismo

    A Consellería de Cultura, Educación e Ordenación Universitaria quere expresar a súa satisfacción ao coñecer a sentenza do Tribunal Supremo pola que queda ratificada definitivamente a legalidade do Decreto do plurilingüismo.

    Fonte: Xunta de Galicia

    26 de marzo de 2015
    Varias entidades asinan un convenio co Concello de Lezo para fomentar o emprego do éuscaro

    Nove entidades de Lezo asinaron un acordo co Concello para fomentar o emprego do éuscaro nas súas actividades.

    Fonte: Diario Vasco

    26 de marzo de 2015
    A Real Academia Galega acolle o acto de presentación do trixésimo volume dos Cadernos Ramón Piñeiro

    A Consellería de Cultura, Educación e Ordenación Universitaria presentou na sede da Real Academia Galega o trixésimo volume dos Cadernos Ramón Piñeiro, baixo o título Antonio Blanco Freijeiro. Isidoro Millán González-Pardo. Cartas habidas (1953-1990).

    Fonte: Xunta de Galicia

    25 de marzo de 2015
    Os bancos e as empresas do sector da enerxía do País de Gales deben mellorar os seus servizos en lingua galesa

    Un estudo realizado por unha consultoría galesa mostra que os falantes de galés queren que os bancos e as empresas do sector da enerxía melloren os seus servizos en lingua galesa.

    Fonte: Wales Online

    25 de marzo de 2015
    Paraguai quere salvar a lingua manjui

    A Secretaría de Políticas Lingüísticas de Paraguai quere elaborar un informe sobre a situación da lingua indíxena manjui, falada por 180 persoas.

    Fonte: Terra

    25 de marzo de 2015
    Denuncian que a nova web do Concello da Coruña non ten acceso en galego a moitos dos seus contidos

    O grupo municipal do BNG denuncia que moitos dos contidos e servizos da nova web só están dispoñibles en castelán.

    Fonte: La Opinión

    25 de marzo de 2015
    A carreira en favor do éuscaro parte de Navarra para percorrer máis de dous mil quilómetros ata chegar a Bilbao

    A vila navarra de Urepele encheuse no inicio da carreira en favor do éuscaro, Korrika 2015, que percorrerá un total de 2161 quilómetros antes de chegar a Bilbao.

    Fonte: Naiz

    25 de marzo de 2015
    Convocan o primeiro concurso de micropoemas en asturiano en Twitter

    Iniciativa polo Asturiano convocou o primeiro concurso de micropoemas escritos en asturiano en Twitter co obxectivo de promover esta lingua e celebrar o Día Internacional da Poesía.

    Fonte: El Día

    Boletín

    Subscríbase ao boletín

    Logo Feder