Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura, Educación e Ordenación Universitaria, Román Rodríguez, deu conta no Consello da Xunta do estado de elaboración do Plan de dinamización da lingua galega no tecido económico 2015-2020, cuxo borrador inicial está a piques de concluír para, posteriormente, ser consultado e debatido cos sectores implicados co fin de que realicen as achegas que consideran oportunas e participen activamente na súa execución.
Fonte: Xunta de Galicia
O Goberno de Menorca destinará 7000 euros para a promoción de publicacións en castelán e catalán.
Fonte: El Mundo
Un estudo revela que no Reino Unido as condicións para o estudo de linguas estranxeiras non son favorables e moitos profesores teñen dificultades para que o seu alumnado opte por cursalas, sobre todo nos dous últimos anos do ensino secundario.
Fonte: BBC
O Ministerio de Educación de Mozambique anunciou que a partir de 2017 o ensino primario empregará, ademais do portugués, as 16 linguas nativas que se falan no país.
Fonte: Notícias ao Minuto
A cidade alemá de Aquisgrán acollerá en setembro o XI Congreso Alemán de Lusitanistas que leva por título "(R)evolucións e transformacións. O mundo lusófono en movemento" e que contará cunha sección de estudos galegos.
Fonte: GCiencia
A Xunta de Galicia celebrou o acto de entrega de premios do certame de declaracións de amor na rede Lingua de namorar, convocado polas consellerías de Cultura, Educación e Ordenación Universitaria e mais de Traballo e Benestar, por medio da Secretaría Xeral de Política Lingüística e da Dirección Xeral de Xuventude e Voluntariado, respectivamente.
Fonte: Xunta de Galicia
O programa semanal Lugo a Debate tratará a situación do galego nun debate no que participarán representantes do mundo da Xustiza, do ensino e da Mesa pola Normalización Lingüística.
Fonte: El Progreso
A Consellería de Educación, Cultura e Deporte da Generalitat Valenciana convocou axudas co obxectivo de fomentar a lingua valenciana no ámbito social, comercial e industrial.
Fonte: Las Provincias
A patronal de micro, pequenas e medianas empresas de Cataluña organizou un concurso para dar a coñecer as mellores iniciativas empresariais que teñen como obxectivo o fomento da lingua catalá.
Fonte: Generalitat de Cataluña
O concello navarro de Falces vai celebrar unha festa na vila para reivindicar con esta o dereito a vivir e estudar en éuscaro.
Fonte: Noticias de Navarra
Subscríbase ao boletín
