Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura, Educación e Ordenación Universitaria, Román Rodríguez, eloxiou o labor a prol da lingua galega do catedrático de Medicina Legal da Universidade de Santiago de Compostela e insigne investigador Ángel Carracedo; da xefa territorial da Avogacía do Estado en Galicia, Consuelo Castro; e do historiador, escritor e director da área de historia da Fundación 10 de Marzo, Ricardo Gurriarán.
Fonte: Xunta de Galicia
A Consellería de Cultura, Educación e Ordenación Universitaria publicou no Diario Oficial de Galicia (DOG) a convocatoria de cinco prazas docentes en lectorados de lingua, literatura e cultura galegas en España (Universidade do País Vasco), Reino Unido (universidades de Oxford e de Birmingham), Francia (Universidade da Sorbona Nova-París III) e Brasil (Universidade Federal de Bahía).
Fonte: Xunta de Galicia
Os secretarios xerais de Política Lingüística e de Cultura, Valentín García e Anxo Lorenzo, respectivamente, visitaron a mostra ‘Xosé Filgueira Valverde (1906-1996), un faro na construción de Galicia’.
Fonte: Xunta de Galicia
A actividade “Contos nas Prazas”, que tivo lugar en Reus, consiste en sesións de contacontos para nenos, co obxectivo de incentivalos a ler en catalán ademais de dar a coñecer os servizos ofrecidos polas bibliotecas. Esta iniciativa foi unha das gañadoras do Premio de Ideas para Promover o Uso do Catalán.
Fonte: Generalitat de Cataluña
O libro L'Oracional valencià, elaborado pola Academia Valenciana da Lingua e a Asociación Ecuménica dos Cristiáns polo Valenciano, busca o uso da lingua valenciana nas igrexas da comunidade.
Fonte: ABC
A Dirección Xeral da Policía asinou un acordo coa Confederación Estatal de Persoas Xordas para mellorar a comunicación entre os axentes e as persoas con discapacidade auditiva. Entre as medidas incluídas atópanse cursos de formación en lingua de signos.
Fonte: La Vanguardia
O Instituto de Estudos Cataláns publicou o sétimo volume do Atlas lingüístico do dominio catalán, que inclúe uns douscentos termos, mapas e fotografías e que amosa as diferenzas no vocabulario empregado no territorio.
Fonte: Lo Campus Diari
Tras un acordo asinado en 2014 entre Euskaltzaindia e a ONCE, estas dúas organizacións van presentar edicións especiais para persoas cegas (en alfabeto Braille e sistema de audio Daisy) do primeiro libro escrito en éuscaro e dous números da revista Erlea.
Fonte: Europa Press
Un concerto en Lisboa, no que participarán representantes dos países lusófonos, pechará as celebracións polos oito séculos de lingua portuguesa.
Fonte: Portugal Digital
Un mapa interactivo mostra as linguas que máis se falan, diferentes do inglés e o francés, en cada unha das divisións administrativas do Canadá.
Fonte: The 10 and 3
Subscríbase ao boletín
