Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Destínanse un total de 10 000 euros para a realización de teses e traballos de investigación, fin de grao, fin de mestrado e fin de carreira en lingua galega. O prazo para presentar solicitudes finaliza o día 30 de setembro.
Fonte: Universidade de Vigo
Debido á popularidade coa que contan as clases de catalán para adultos na illa, o Goberno balear e o concello de Eivisa puxeron en funcionamento cursos de baixo custo para facilitarlles o acceso á lingua ás persoas interesadas en aprendela.
Fonte: Periódico de Ibiza
O municipio guipuscoano de Andoain prepara a súa Semana do Deporte, cuxo lema “No deporte tamén en éuscaro” busca a promoción do uso desta lingua nas actividades deportivas.
Fonte: Diario Vasco
O certame María Markotegi de creatividade en éuscaro celebrado na Mancomunidade de Sakana entregou os seus premios aos estudantes que participaran.
Fonte: Noticias de Navarra
A partir do mes de outubro está dispoñible o primeiro currículo nacional pensado no ensino das linguas aborixes australianas.
Fonte: The Guardian
O antigo ministro portugués de Asuntos Exteriores, Luís Amado, defendeu con motivo do Festival da Lusofonía de Lisboa o papel responsable que ten Portugal na expansión e promoción da lingua portuguesa no mundo.
Fonte: Notícias ao Minuto
O certame está organizado pola Comisión de Normalización Lingüística da Facultade de Ciencias da Comunicación, a proposta da Liga Estudantil Galega, e co apoio do Servizo de Normalización Lingüística da Universidade de Santiago. As persoas que desexen participar deberán presentar unha peza audiovisual breve cunha comedia en lingua galega.
A Consellería de Cultura, Educación e Ordenación Universitaria, representada polo secretario xeral de Política Lingüística, Valentín García, participou no acto de entrega do “VII Concurso Coca-Cola Novos Talentos. Premio de Relato Curto”, convocado conxuntamente por Coca-Cola Iberian Partners e pola Secretaría Xeral de Política Lingüística, co obxectivo de promover as destrezas lingüísticas da expresión escrita e da comprensión lectora en galego da mocidade.
Fonte: Xunta de Galicia
O secretario xeral de Política Lingüística, Valentín García, visitou o Festival de Cans cun grupo de 100 alumnos e alumnas do CEIP Manuel Fraga Iribarne de Cariño (A Coruña), un dos centros gañadores da pasada edición do certame audiovisual de dinamización lingüística “Nós tamén creamos!”.
Fonte: Xunta de Galicia
Un informe da BBC revela que cada vez máis persoas consomen contidos en lingua galesa na páxina de televisión en liña da canle S4C.
Fonte: Cable
Subscríbase ao boletín
