O tribunal da provincia de Bos Aires, en Arxentina, aprobou a creación do Rexistro de Intérpretes en Linguas Indíxenas do país, entre as que se destacan, entre outros idiomas, o mapuche, o colla e o toba.
Fonte: Global Voices
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de febreiro de 2015
Durante a sinatura do Memorando de entendemento entre a Xunta e a Embaixada da República de Portugal en España para a adopción do portugués como lingua estranxeira de opción e avaliación curricular no sistema educativo non universitario da Comunidade Autónoma de Galicia, Feijóo afirmou que este acto reafirma os vencellos entre Portugal e Galicia, afianza a amizade entre Portugal e España e representa un paso máis na tarefa da construción europea.
19 de febreiro de 2015
Esta campaña de dinamización lingüística, que ten como lema "Seduce en galego. Goza de Melide", está dirixida á xente nova que os sábados se despraza á localidade para gozar da súa movida nocturna.
Fonte: La Voz de Galicia
19 de febreiro de 2015
A Consellería de Cultura, Educación e Ordenación Universitaria colabora, por medio da Secretaría Xeral de Política Lingüística co Grupo Canto D’Aqui, co Municipio de Braga e mais coa Junta de Frêguesia de S. Vicente na 1ª Semana Cultural Convergências Portugal-Galiza, que se celebrará na cidade portuguesa de Braga, coincidindo co 178º aniversario do nacemento de Rosalía de Castro.
Fonte: Xunta de Galicia
19 de febreiro de 2015
A Generalitat de Cataluña planea que os universitarios acaben as súas carreiras falando tres linguas
O novo plan de universidades da Generalitat de Cataluña planea que todos os universitarios acaben os seus graos con bo nivel en tres linguas estranxeiras.
Fonte: El Períodico
19 de febreiro de 2015
Un servizo de videointerpretación de lingua de signos comezou no hospital Reina Sofía de Tudela para facilitar a comunicación e o acceso aos servizos sanitarios das persoas xordas.
Fonte: Europa Press
18 de febreiro de 2015
O ministro de Educación de Timor Leste, Fernando La Sama de Araújo, garantiu o desenvolvemento do portugués no país asiático despois de que se publicasen dous decretos lei que o introducen como idioma principal só a partir do terceiro ciclo.
Fonte: Sapo
18 de febreiro de 2015
O patriarca de Lisboa, Manuel Clemente, defendeu unha maior presenza da lingua portuguesa no traballo dos cardeais e da Santa Sé.
Fonte: Jornali
18 de febreiro de 2015
O patriarca de Lisboa, Manuel Clemente, defendeu unha maior presenza da lingua portuguesa no traballo dos cardeais e da Santa Sé.
Fonte: Jornali
18 de febreiro de 2015
O Concello de Carcaixent organizou un premio ao uso do valenciano nas Fallas, encadrado entre as accións de fomento desta lingua.
Fonte: Las Provincias
Boletín
Subscríbase ao boletín
