Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello de Pasaia puxo en marcha unha nova campaña de promoción da lectura en éuscaro, coa que os lectores que acudan á biblioteca municipal e retiren un libro nesta lingua, recibirán un desconto na compra dun libro en éuscaro.
Fonte: Diario Vasco
Nun acto organizado en Pamplona por Kontseilua, o Consello de Organismos Sociais do Éuscaro, reivindicouse o dereito da poboación navarra a vivir en éuscaro, para o que se necesita, entre outras cousas, unha modificación das leis actuais.
Fonte: EITB
A CIG e A Mesa pola Normalización Lingüística inician unha campaña de concienciación dirixida á sociedade para que esixan ser atendidos en galego nos centros de chamadas de empresa asentadas en Galicia.
Fonte: Galicia Hoxe
Un festival fomentará na cidade portuguesa de Coímbra a música, os bailes e a gastronomía dos países africanos de lingua oficial portuguesa.
Fonte: Visão
A Universidade Federal de Sergipe (Brasil) fomentará con actividades a divulgación e o ensino da lingua de signos brasileira.
Fonte: Infonet
A Coordinadora de Traballadores/as de Normalización da Lingua trasladoulles ás organizacións políticas a súa proposta en materia de normalización lingüística para que a inclúan nos seus programas electorais para as vindeiras eleccións municipais.
Fonte: CTNL
O VIII Curso de Verán de Lingua e Cultura Galegas para Persoas Estranxeiras conta con dous niveis, elemental (A1-A2) e intermedio (B1-B2).
Fonte: Consello da Cultura Galega
As manifestacións levaranse a cabo na Coruña, Ferrol, Foz, Lugo, Ourense, Pontevedra, Santiago e Vigo baixo o lema "Galego, garantía de futuro".
Fonte: Praza Pública
Un grupo de 35 alumnos e alumnas de lingua e cultura galegas da Universidade de Zúrich foron recibidos polo secretario xeral de Política Lingüística, Valentín García.
Fonte: Xunta de Galicia
O concurso anual de piropos en éuscaro celebrado en Ermua escolleu os seus gañadores, coa satisfacción de bater o récord de participación cun total de 185 piropos presentados.
Fonte: ABC
Subscríbase ao boletín
