Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O proxecto é froito da colaboración da compañía coa Oficina Municipal de Atención á Discapacidade do Concello de Xerez e ten o obxectivo de achegar esta linguaxe ao conxunto da sociedade e mellorar a accesibilidade das persoas con discapacidade auditiva.
Fonte: Corresponsables
A Universidade de Granada oferta o chinés como novo itinerario na especialidade de lingua estranxeira do Máster en profesorado de Educación Secundaria Obrigatoria e Bacharelato, formación profesional e ensinanza de idiomas.
Fonte: Radio Granada
O escritor Agustín Fernández Paz recibiu o Premio Trasalba que recoñece a súa dedicación especial á literatura infantil, o seu compromiso inesgotable coa lingua e a súa defensa do ensino público e militancia en distintos colectivos de renovación pedagóxica.
Fonte: Sermos Galiza
A Consellería de Cultura, Educación e Ordenación Universitaria, por medio do secretario xeral de Política Lingüística, Valentín García, presentou en rolda de prensa Os sons do vento que pasa, a nova actividade incluída no programa FalaRedes e que ata finais de ano chegará a 36 concellos da Rede de Dinamización Lingüística (RDL) da Xunta de Galicia.
Fonte: Xunta de Galicia
Os Premios Lois Peña Novo recoñecen o traballo de persoas, institucións ou empresas na consolidación do galego no eido das administracións públicas, na vida institucional e na sociedade en xeral. Na súa XX edición, os galardóns recaeron no catedrático de Física aplicada Jorge Mira, na maxistrada Dalila Dopazo e no Colexio Oficial de Traballo Social de Galicia.
Fonte: Xunta de Galicia
O escritor e académico, Xosé Neira Vilas, gaña o Premio Otero Pedrayo pola súa contribución á cultura galega, nunha reunión celebrada en Pontevedra que contou coa participación dos secretarios xerais de Cultura e de Política Lingüística.
Fonte: Xunta de Galicia
O distrito hospitalario de Satakunta, no oeste de Finlandia, cambiará a lingua do seu sitio web por un finés máis simplificado co fin de facilitar o acceso á información das persoas que están aprendendo a lingua e de aquelas que presentan dificultades de aprendizaxe ou de lectura.
Fonte: UUTISET
O reitor da Universidade de Coímbra, João Gabriel Silva, destacou que Coímbra é unha marca de Portugal e do mundo lusófono e um símbolo central da lingua portuguesa e da súa cultura. "Coímbra é unha marca recoñecida no mundo, non só polo seu patrimonio físico, mais tamén polo que inmaterialmente representa", subliñou o reitor na sesión conmemorativa do primeiro aniversario da aprobación da Universidade como patrimonio mundial da UNESCO.
O fundador da Wikipedia, Jimmy Wales, tivo palabras de apoio para a comunidade en catalán desta enciclopedia colaborativa na rede, destacando que se trata dunha comunidade “enorme” en relación ao peso demográfico da lingua. Unha afirmación que apoiou con datos, lembrando que a edición catalá desta enciclopedia conta con 430 000 artigos e é, pois, a 17ª en canto a número de entradas.
Fonte: Crónica Global
Crear a Euskal Wikipedia, promover o dominio .eus na internet, apoiar as versións subtituladas ao éuscaro das estreas de cinema máis punteiras, desenvolver programas de euscaldunización para adolescentes inmigrantes, impulsar que o alumnado universitario e de FP poida realizar as súas prácticas en éuscaro… Así ata 168 accións diferentes para “acelerar o exitoso proceso de revitalización do éuscaro” presentadas polo Goberno vasco.
Fonte: Noticias de Álava
Subscríbase ao boletín
