Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un grupo de cincuenta estudantes de secundaria manifestouse na cidade vascofrancesa de Baiona para reclamar o dereito a poder realizar os seus exames de bacharelato en éuscaro xa que é esta a lingua que se emprega nas súas clases ao longo de todo o ano académico.
Fonte: Sud Ouest
A plataforma de peticións en liña Change.or recolle unha campaña para que Tripadvisor permita escribir opinións en catalán. Orlando Barrial, o impulsor da petición, denuncia que intentou escribir un comentario no popular portal turístico para valorar un restaurante e atopouse coa negativa de Tripadvisor. Segundo Barrial, desde o portal chegoulle un aviso conforme o que escribira non se ía publicar porque estaba escrito en catalán.
O Parlamento vasco reclamoulle ao Goberno que estenda o trilingüismo nas aulas vascas tendo en conta o éuscaro como lingua "preferente". A resolución non establece un calendario nin unha data límite de extensión do trilingüismo e fala de que esa ampliación se faga de forma progresiva.
Fonte: El País
A cantautora María Xosé Silvar, Sés, gañou o Premio Leixaprén 2014 de recoñecemento á defensa e promoción da lingua galega, que conceden os Equipos de Normalización e Dinamización Lingüística dos centros de ensino.
Fonte: Magazine Cultural Galego
A Comisión Executiva da Real Academia Galega acordou nunha xuntanza reclamarlles á sociedade e ao Goberno galego que tomen medidas ante a situación da lingua galega no ensino.
Fonte: Culturagalega.org
O instituto Sánchez Cantón e a escola de Educación Infantil Crespo Rivas levan a cabo un proxecto de innovación educativa e de fomento das linguas, encontros nos que o alumnado asume o rol de profesor ou de estudante independentemente da idade.
Fonte: Faro de Vigo
FalaRedes, o programa promovido pola Consellería de Cultura, Educación e Ordenación Universitaria por medio da Secretaría Xeral de Política Lingüística, continúa dinamizando o galego entre a xente miúda e as súas familias cos espectáculos "Os Bolechas e o Sabichón" e "As fabas máxicas", que esta fin de semana visitan catro vilas ourensás e dúas coruñesas.
Fonte: Xunta de Galicia
O salón de claustros do instituto Rosalía de Castro acolleu a presentación dos gañadores da XX Edición do Premio Literario Arcebispo Juan de San Clemente. Nesta ocasión os alumnos dos centros de secundaria que participan nesta iniciativa seleccionaron A vitoria do perdedor de Carlos G. Reigosa como mellor obra en lingua galega.
Fonte: Culturagalega.org
Os escolares dos centros de Educación Infantil e Primaria Concepción Arenal, Eusebio da Guarda e Ramón de la Sagra, gañadores da primeira edición do Concurso de Blogs en Lingua Galega convocado polo Concello, recolleron os seus premios.
Fonte: La Opinión
Tras anos de moitos esforzos por parte das diferentes entidades que traballan polo uso do éuscaro chégase á década do 2000 e «os datos cambian ata tal punto que hogano sete de cada 10 menores de 14 anos en Tolosa comunícase en éuscaro e algo máis da metade do novos entre 15 e 24 anos tamén».
Fonte: Diario Vasco
Subscríbase ao boletín
