O número de entidades de fomento da lingua catalá creceu un 18 % respecto a 2013 e, segundo o censo do departamento de Cultura feito público, actualmente hai 142 asociacións e fundacións inscritas.
Fonte: La Vanguardia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de xuño de 2014
A Mesa pola Normalización Lingüística presentou publicamente os datos do estudo que esta entidade elabora periodicamente sobre os usos lingüísticos nos centros de educación infantil das sete cidades galegas.
Fonte: Consello da Cultura Galega
18 de xuño de 2014
Unha enquisa realizada a 50 directores de instituto austríacos desvelou que a maioría (tres cuartos do total) apoia a introdución da materia de lingua turca no ensino secundario e universitario. A ministra do Interior austríaca, Johanna Mikl-Leitner, declarou que se podería introducir esta materia como lingua estranxeira nas escolas, aínda que asegura que o alemán debe seguir sendo a prioridade.
Fonte: World Bulletin
18 de xuño de 2014
O servizo de almacenamento de arquivos Dropbox está agora dispoñible en catro novas linguas: tres europeas (dinamarqués, sueco e neerlandés) e unha asiática (tailandés).
Fonte: Betanews
18 de xuño de 2014
A iniciativa "Mil festas máis para a lingua galega", que organiza a Asociación de Funcionarios para a Normalización Lingüística, rende homenaxe este ano ao grupo Treixadura, que dará un concerto gratuíto no auditorio de Vilagarcía.
Fonte: Noticias Galicia
18 de xuño de 2014
Este proxecto persegue que o estudantado participante adquira unha serie de competencias para o ensino da lingua inglesa en relación co concepto de interculturalidade en canto a contidos, metodoloxía, materiais, e que desenvolva actitudes que no futuro próximo porá en práctica no ensino da lingua no contexto da Unión Europea.
Fonte: Universidade de Vigo
18 de xuño de 2014
Durante a mobilización, os organizadores fixeron público un comunicado no que reivindican o “dereito” a que “os medios públicos en éuscaro se poidan captar en Navarra con normalidade”.
Fonte: Noticias de Navarra
18 de xuño de 2014
A Consellería de Educación daralles autonomía aos centros da Comunidade Valenciana para que escollan en que lingua impartir as materias de Ciencias Naturais e Sociais, nas que se desdobra, como consecuencia da aplicación da Lei orgánica de mellora da calidade educativa (Lomce), a materia de Coñecemento do Medio, que se daba ata agora en valenciano.
Fonte: La Vanguardia
18 de xuño de 2014
O ministro principal de Gales anunciou que un total de 1,6 millóns de libras esterlinas se destinará ao fortalecemento e promoción da lingua galesa nos próximos dous anos.
Fonte: BBC
17 de xuño de 2014
O xefe do executivo da Rexión Administrativa Especial de Macau (RAEM), Fernando Chui Sai On, prometeu seguir apoiando o desenvolvemento do ensino do portugués, co fin de fornecer un mellor ambiente educativo para os macaenses de orixe portuguesa.
Fonte: CRI
Boletín
Subscríbase ao boletín
