Espertar o interese polo corso é o obxectivo da asociación estudantil Ghjuventù Vagabonda da Universidade de Córsega que ofrece cursos gratuítos desta lingua a todas as persoas interesadas.
Fonte: Corsica Infurmazione
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de decembro de 2013
02 de decembro de 2013
A Coordinadora de Traballadores/as de Normalización da Lingua presentou no Culturgal a súa iniciativa Agasallo.eu, unha plataforma en liña deseñada para compilar, difundir e recomendar agasallos en galego para todas as idades e para todo tipo de acontecementos e épocas do ano.
Fonte: Consello da Cultura Galega
02 de decembro de 2013
A Mesa pola Normalización Lingüística denunciou que o Ministerio de Economía lle negou unha bolsa predoutoral a unha estudante "co argumento de que non entendían o certificado de estudos en galego".
Fonte: Galicia Hoxe
02 de decembro de 2013
Nos últimos 30 anos, o desenvolvemento de lingua vasca en Meatzaldea foi espectacular dada a preponderancia que o castelán tiña, non só na rúa senón especialmente no ámbito do ensino e da administración. Unha situación que, sen présa, pero sen pausa, vai revertendo grazas ao empeño dos euskaltzales que, co decidido apoio dos programas e actividades postos en marcha polas institucións, xera novos espazos onde o éuscaro pode superar o marco educativo e converterse en lingua de uso cotián.
02 de decembro de 2013
O Departamento de Cultura, a través da Dirección Xeral de Política Lingüística, apoiou 66 proxectos de entidades e 14 proxectos de empresas que promoven o uso da lingua catalá en Cataluña.
Fonte: Generalitat de Cataluña
29 de novembro de 2013
Desde o ano 2008, unha lei francesa declara que "as linguas rexionais pertencen ao patrimonio de Francia". O Consello Rexional de Auvernia comeza a mostrarse favorable a desenvolver medidas a favor da lingua occitana para conseguir, en último termo, que esta lingua sexa unha baza cultural, turística e económica.
Fonte: France TV
29 de novembro de 2013
A lingua portuguesa figura entre os dez idiomas estranxeiros que máis se demandarán nas próximas dúas décadas no mercado de traballo do Reino Unido, de acordo cun estudo do instituto British Council. É a primeira vez que a lingua de Camões entra nesta selecta lista, compartindo o status co español, o árabe, o francés, o chinés mandarín, o alemán, o italiano, o ruso, o turco e o xaponés.
Fonte: O Tempo
29 de novembro de 2013
O Concello asinou un convenio con Ttur-ttur Euskaltzaleon Bilgunea para impulsar o uso do éuscaro nos comercios e a hostalaría da zona. O obxectivo do curso é aprender a manter conversacións correntes coa clientela, segundo detallaron os organizadores.
Fonte: Diario Vasco
29 de novembro de 2013
O 97,1 % da poboación adulta residente en Cataluña maior de 14 anos entende o catalán –fronte ao 95,2 % de 2011-, mentres que un 84,3 % o sabe falar -73,2 % en 2011-, e o 70,1 % o sabe escribir -55,8 % en 2011-, uns datos que revelan unha tendencia á alza nos diversos ámbitos de coñecemento que fan do catalán unha “lingua viva”, segundo se desprende do ‘Informe de política lingüística de 2012’.
29 de novembro de 2013
Unha petición presentada no Concello galés de Porthmadog demanda que os novos comercios e empresas que se instalen na vila adopten o uso da lingua galesa. Na petición criticouse especialmente que as empresas Cadwaladers e Costa Coffee non empreguen a lingua vernácula.
Fonte: Cambiran News
Boletín
Subscríbase ao boletín
