O Clube da Lingua do IES Marco do Camballón de Vila de Cruces presentou un videoclip para promover o uso do galego.
Fonte: Galicia Confidencial
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de abril de 2013
26 de abril de 2013
Curtas, de ata 10 minutos, que teñan como piar fundamental o humor e que estean elaborados en lingua galega. Estes son os ingredientes que deberá mesturar quen decida participar na terceira edición do Certame de Curtas de Comedia, Somos a Curta!.
26 de abril de 2013
O grupo de empresas da Cidade Tecnolóxica de Valnalón foi novamente a base para a creación dunha nova compañía, Spanish Up. Esta iniciativa nace ao mesmo tempo en China, onde xa está instalada cunha plataforma virtual que ofrece cursos de español, e en Langreo.
Fonte: El Comercio
25 de abril de 2013
Do estigma á estima. Propostas para un novo discurso lingüístico é o título do recentemente publicado libro de Valentina Formoso, no que, partindo dunha investigación cualitativa sobre o discurso arredor da lingua galega do alumnado de Secundaria, realiza propostas para mellorar o discurso para a normalización lingüística.
Fonte: CTNL
25 de abril de 2013
A Consellería de Cultura, Educación e Ordenación Universitaria, por medio do seu secretario xeral de Política Lingüística, Valentín García, presentou o programa de dinamización lingüística “Espello Deportivo”, que chegará a dez localidades ourensás pertencentes á Rede de Dinamización Lingüística (RDL) da Xunta de Galicia.
Fonte: Xunta de Galicia
25 de abril de 2013
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, inaugurou en Rois a mostra “Querido Balbino, 1961-2011. 50 anos de Memorias dun neno labrego”.
Fonte: Xunta de Galicia
25 de abril de 2013
As entidades que impulsan a campaña "Enllaçats per la llengua" (Enlazados pola lingua) propuxeron que os autores e lectores leven o día de Sant Jordi un lazo coas cores da bandeira de Cataluña en defensa do catalán.
Fonte: ABC
25 de abril de 2013
Baixo o lema “Cosendo a vila do éuscaro”, miles de persoas participaron en Villatuerta na festa que Sortzen-Ikasbatuaz e diferentes asociacións organizaron en contra da zonificación lingüística e pola oficialidade do éuscaro.
Fonte: Diario de Navarra
25 de abril de 2013
Un inédito proxecto financiado por CONADI (Corporación Nacional chilena de Desenvolvemento Indíxena) prevé a contratación e formación de 12 profesores que ensinarán a lingua rapanui na illa de Pascua a crianzas desde preescolar ata primaria.
Fonte: El Martutino
25 de abril de 2013
Segundo o índice EF English Proficiency (EPI), Portugal é un dos países co dominio do inglés máis baixo de Europa e está só por diante de Francia, Italia e Rusia. Os países co índice de coñecemento máis alto son Suecia, Dinamarca, Países Baixos e Finlandia.
Fonte: Diário Digital
Boletín
Subscríbase ao boletín
