Unha lei aprobada polo Congreso Nacional de Libia recoñece as linguas tamazight, tuareg e tubu como variedades lingüísticas e culturais da sociedade libia e estipula o seu ensino nos programas escolares do país.
Fonte: Maghreb Emergent
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de agosto de 2013
Entre os días 21 e 30 de agosto, Río de Xaneiro celebrará o Festival de Teatro da Lingua Portuguesa, que alén de obras teatrais, ofrecerá espectáculos, exposicións, obradoiros e debates. Este ano o festival presenta sete espectáculos inéditos do Brasil, Angola, Cabo Verde, Mozambique e Portugal. Nesta edición o festival conta ademais coa participación especial de Timor Leste e de Guinea-Bissau.
Fonte: Catraca Livre
06 de agosto de 2013
O Consello de Goberno de Murcia deu luz verde a unha subvención de 24 000 euros da Consellería de Sanidade e Política Social para desenvolver o proxecto de intervención de intérpretes de Lingua de Signos nas aulas da Universidade de Murcia.
Fonte: Murcia
06 de agosto de 2013
O buscador de equipamentos da Generalitat incorporou recentemente os equipamentos de lingua, concretamente os centros de normalización lingüística e as oficinas de catalán en que se organiza territorialmente o Consorcio pola Normalización Lingüística.
06 de agosto de 2013
As fundacións ou asociacións inscritas no Censo de fomento da lingua catalá dobraron o seu número en apenas dous anos, tras lograrse este 2013 un incremento do 39,5 % con respecto ao curso pasado.
Fonte: ABC
06 de agosto de 2013
O BNG da Guarda presentou unha moción no Concello na que se solicita a promoción de espectáculos producidos en Galicia, así como o fomento da presenza de propostas culturais galegas nas festas populares "vinculando as subvencións concedidas con cargo aos orzamentos municipais á contratación de creadores e artistas galegos que empreguen a lingua galega tanto nos espectáculos como na publicidade de calquera evento, festa ou actividade de carácter cultural", afirman.
06 de agosto de 2013
Miguel Relvas, o antigo ministro de Asuntos Parlamentarios de Portugal, será o alto comisario da Casa Olímpica da Lingua Portuguesa no Brasil. Este proxecto é recente e foi creado para converter a lingua portuguesa nun dos idiomas oficiais de traballo do Comité Olímpico Internacional con vistas aos Xogos Olímpicos de 2016, que terán lugar no Brasil.
Fonte: Esquerda
05 de agosto de 2013
Un antigo director de escola, Robin Owain, acaba de ser nomeado responsable de Gales do proxecto da Wikipedia e viaxará por todo o país para ensinar as persoas a faceren contribucións en lingua galesa á enciclopedia en liña.
Fonte: BBC News
05 de agosto de 2013
Entre as funcións e tarefas destes técnicos, salienta o poder axudar aos concellos e cuadrillas do territorio e aos concellos do Condado de Treviño, así como a estruturas dependentes destes e a asociacións, a fomentar e aumentar o uso do éuscaro. Tamén persegue promover o coñecemento e o uso do éuscaro entre os axentes do territorio que o soliciten, así como ofrecer un servizo de traducións para os axentes do territorio que así o demanden, ademais de coordinar e colaborar no desenvolvemento de actividades e programas recollidos no Plan Xeral de Promoción e Uso do Éuscaro.
05 de agosto de 2013
O Goberno vasco adxudicou xa a maioría das subvencións, o 82 %, para o apoio a iniciativas de fomento do éuscaro no País Vasco, ao que destinará un total de 9 984 300 euros.
Fonte: El Mundo
Boletín
Subscríbase ao boletín
