Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria convocou, mediante publicación no web da Secretaría Xeral de Política Lingüística (www.xunta.es/linguagalega), unha nova edición dos cursos en liña preparatorios para as probas de certificación de lingua galega no nivel Celga 1.
Fonte: Xunta de Galicia
O Museo Arqueolóxico de Alacant impulsa a integración cultural das persoas xordas a través de percorridos impartidos por guías con discapacidade auditiva. O Departamento de Didáctica do museo desenvolveu esta novidosa iniciativa en colaboración coa Asociación de Persoas Xordas de Alacant –APESOA- co obxectivo de mellorar a calidade de vida e favorecer a autonomía e integración deste colectivo nos distintos ámbitos sociais.
O Clube Xeitu convoca o 5º Certame Literario en Patsuezu ‘Guzmán álvarez’, co que se pretende a revitalización da lingua vernácula da montaña occidental astur-leonesa, ademais do fomento da creación literaria nesta e a súa divulgación.
Fonte: León Noticias
O único Estado oficialmente cuadrilingüe de Europa, Suíza, conmemorou estes últimos días o 75 aniversario da declaración do romanche como lingua nacional do país. Porén, esta declaración non comportou automaticamente a oficialidade do idioma que tivo que esperar ata o ano 1996.
Fonte: Nationalia
A finais do século XXI, os oito países falantes de lingua portuguesa (Angola, Brasil, Cabo Verde, Guinea-Bissau, Mozambique, Portugal, San Tomé e Príncipe e Timor Leste) terán unha poboación de 350 millóns de persoas, 100 millóns máis dos actuais 250 millóns (dos que máis de 190 millóns son brasileiros).
Fonte: Opera Mundi
A revista vén sendo publicada desde 1990, e ten como obxectivos promover a investigación sobre a lingua galega e darlles publicidade aos aspectos lingüísticos considerados de maior relevancia no momento da súa publicación.
A Mesa pola Normalización Lingüística denuncia "un novo caso de discriminación lingüística" no Sergas, no que, supostamente, un paciente "foi obrigado a atrasar a súa operación" por escoller utilizar o galego.
Fonte: Faro de Vigo
No que se refire ao uso dos idiomas na docencia da Universidade de Santiago de Compostela neste curso 2012-2013, sen dúbida o dato máis salientable é que o castelán é a lingua en que se imparten o 73,74 % das horas de clase. O galego vehicula o 23,34 % e o inglés o 1,72 %. Francés, portugués, italiano e alemán repártense o restante 1,2 % das horas docentes.
Fonte: O Cartafol Dixital
En Aragón, un centenar de esperantistas velan por manter viva es lingua grazas ao labor da Asociación Frateco e a Fundación Esperanto.
Fonte: Heraldo
Coincidindo co Mobile World Congress 2013, a Dirección Xeral de Política Lingüística do Departamento de Cultura inicia o proxecto “A app da semana”, co obxectivo de dar a coñecer a oferta de aplicacións en catalán e fomentar o seu uso.
Fonte: Generalitat de Catalunya
Subscríbase ao boletín
