O código electoral paraguaio tradúcese á lingua guaraní e espérase que estea listo para os comicios xerais do próximo mes de abril, informou o Tribunal Superior de Xustiza Electoral de Paraguai.
Fonte: Prensa Latina
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de marzo de 2013
O bo dominio da lingua portuguesa, oral e escrito, é un elemento diferencial curricular cada vez máis valorizado nas empresas e nas relacións interpersoais, tanto polos propios brasileiros como estranxeiros que viven no Brasil.
Fonte: SEGS
03 de marzo de 2013
O coñecemento da lingua chinesa tense convertido nun factor primordial para que moitos cidadáns do Nepal poidan desenvolver a súa formación e o seu futuro profesional. Membros diplomáticos chineses afincados neste país gaban a iniciativa levada a cabo por algúns colectivos que están ensinando a lingua chinesa aos nepaleses.
Fonte: People's Daily Online
01 de marzo de 2013
Segundo o diplomático Francisco Seixas da Costa, Brasil é o país que pode "ofrecer maior esperanza a respecto da promoción da lingua portuguesa" grazas á súa crecente consolidación no panorama mundial.
Fonte: Expresso
01 de marzo de 2013
Nun territorio que é un lugar de cruzamento entre Oriente e Occidente crébase a distancia entre dúas linguas: portugués e chinés. A segunda edición do Festival Literario de Macau (China) conta con máis de 30 autores lusófonos e chineses, da literatura ao cinema pasando pola música e as artes plásticas.
Fonte: Público
01 de marzo de 2013
A Universidade de Vigo convoca catro bolsas de formación na súa Área de Normalización Lingüística (ANL) destinadas á formación complementaria do estudantado, que participará nas actividades de dinamización lingüística e formación que se desenvolven na ANL.
Fonte: CTNL
01 de marzo de 2013
O director xeral de Innovación Educativa e Formación do Profesorado, Pedro Benzal, acompañado polo delegado territorial de Educación, Cultura e Deporte, Vicente Zarza, inaugurou no IES La Arboleda de Lepe unhas xornadas de formación dirixidas ao profesorado que imparte portugués como segunda lingua estranxeira en seis institutos de ensino secundario de Ayamonte, Isla Cristina e Lepe.
01 de marzo de 2013
A Consellería de Cultura, Educación e Ordenación Universitaria convocará 140 prazas para a realización de itinerarios formativos para a mellora das competencias lingüísticas e comunicativa do profesorado.
Fonte: Xunta de Galicia
28 de febreiro de 2013
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, deu a coñecer na Coruña o novo Dicionario de alimentación e restauración galego-castelán-inglés, elaborado polo Servizo de Terminoloxía Científico-Técnica Galega TERMIGAL, no que colaboran a Xunta de Galicia e a Real Academia Galega (RAG).
Fonte: Xunta de Galicia
28 de febreiro de 2013
A convocatoria do Premio “Rosalía de Castro” de Lingua e Cultura está destinada a recoñecer iniciativas, traballos recentes, traxectorias, de persoas individualmente, colectivos ou entidades comprometidas coa promoción e dignificación social do patrimonio lingüístico e cultural galego.
Boletín
Subscríbase ao boletín
