Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria, a través da Secretaría Xeral de Política Lingüística, leva ao Pereiro de Aguiar o espectáculo de dinamización lingüística "O Señor das dunas", no marco da participación deste concello na Rede de Dinamización Lingüística (RDL) e do programa FalaRedes.
Fonte: Xunta de Galicia
Coincidindo co centenario da súa morte, a Deputación de Lugo e o Concello de Mondoñedo tratan de pór en valor a figura do escritor mindoniense, Manuel Leiras Pulpeiro, por medio dunhas xornadas de poesía.
Fonte: Crónica3
As comisións de normalización lingüística dos centros do Campus de Lugo da Universidade de Santiago organizan conxuntamente o foro "Proxéctate en galego", un encontro que, en palabras dos seus promotores, ten como obxectivo "mostrar que o galego é unha oportunidade para o emprendemento, para a ciencia e para a comunicación entre as persoas.
Fonte: USC
Ben porque esperan que noutros países falen un pouco de inglés ou simplemente por pura vagancia, unha enquisa recente de viaxeiros europeos revelou que só o 11 % dos británicos pode falar outras linguas con fluidez. Porén, sorprende aínda máis o feito de que o 22 % non poida articular unha única palabra noutro idioma.
Fonte: The Telegraph
Unha serie de proxectos céntrase nos nenos pequenos nun esforzo por revitalizar a lingua lakota, falada pola tribo nativa americana sioux en Dakota do Norte e Dakota do Sur.
Fonte: Seattle Times
Aínda que o mal o tempo reduciu a participación, foron miles as persoas que non dubidaron en participar na festa en favor das ikastolas e que puideron gozar dos numerosos actos organizados.
Fonte: ABC
O Instituto de Cultura de Barcelona (ICUB) asinou un convenio marco de colaboración co Consello Xeral de Arán para promover a cultura e a lingua aranesa na capital catalá.
Fonte: ABC
A Área de Catalán da Universidade de Santiago de Compostela convida a participar no programa académico PARELLÆS de intercambio lingüístico e cultural galego-catalán entre estudantes da Universidade de Santiago de Compostela que falen galego ou catalán e desexen aprender, practicar ou mellorar a outra lingua.
Fonte: USC
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, participou na apertura da VIII Xornada de Normalización Lingüística organizada pola Federación de Escolas Católicas de Galicia (FEREGA-CECA).
Fonte: Xunta de Galicia
A tradución d'O principiño ao otomí promoverá e fomentará que varios rapaces que xa non len na súa propia lingua volvan facelo.
Fonte: El Punto Crítico
Subscríbase ao boletín
