Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O corporativo Microsoft Internacional achegará elementos técnicos e estrutura dixital en liña para incorporar a lingua maia a motores de busca de internet, especialmente Google, o que dará unha proxección incalculable aos proxectos de Mundo Maia.
Fonte: Milenio
O ex-director do Instituto Cervantes en Dublín, José Antonio Sierra, pretende presentar unha asociación de profesores de catalán para estranxeiros ou como lingua estranxeira para así resaltar a importancia da lingua catalá tanto en España como a nivel internacional.
Fonte: Salamanca 24 horas
O Planetario de Pamplona porá en marcha este ano ‘School of Stars’, a versión en inglés do programa escolar ‘Escola de Estrelas', que este curso 2012-2013 cumpre o seu vixésimo aniversario.
Fonte: Europa Press
"Refresca a palabra" é o slogan dunha nova campaña que dentro de pouco chegará aos establecementos hostaleiros do municipio rianxeiro. A iniciativa ponse en marcha grazas á colaboración entre o Equipo de Dinamización da Lingua Galega do Instituto Félix Muriel e o Concello e pretende fomentar o uso do idioma en todos os eidos da vida cotiá.
Fonte: La Voz de Galicia
O Congreso dos Deputados de Brasil está analizando un proxecto de lei para obrigar os provedores a informar sobre o modo de instalación e uso dos produtos con informacións claras, precisas e en lingua portuguesa.
Fonte: O Norte
Máis de 10 000 deportistas -6078 homes e 4841 mulleres-, procedentes de 205 países, conviviron na Vila Olímpica, onde se escoitaron 62 linguas distintas, de acordo cos datos facilitados polo portal PONS.com. Unha auténtica Torre de Babel en plena city londiniense, a capital multicultural europea por excelencia.
Fonte: El Economista
O Concello de Pasaia confeccionou un Plan Estratéxico co fin de fomentar o uso do éuscaro no municipio ata o próximo 2020. O informe establece unha serie de prioridades identificadas en cada distrito.
Fonte: Diario Vasco
O Goberno de Navarra subvencionará con 50 000 euros o Servizo de Intérpretes de Lingua de Signos da Asociación de Persoas Xordas de Navarra (ASORNA), composto por profesionais titulados. ASORNA comprométese a cambio a facilitar a calquera persoa xorda ou oínte de Navarra, e a calquera entidade pública ou privada que o solicite, un intérprete de lingua de signos.
Fonte: Diario de Navarra
A Consellería de Cultura, Educación e Ordenación Universitaria, participou na presentación de Acuario, un poemario sobre os peixes habitantes do mar dirixido aos máis novos e que foi elaborado pola ceense María Canosa e ilustrado por Dani Padrón.
Fonte: Xunta de Galicia
Coa apertura do Centro de Aprendizaxe de Linguas Mandy e Pandy, os profesores ensinarán linguas estranxeiras aos nenos de ata 10 anos de idade. Nas clases, os profesores traballarán cos nenos e ensinaranlles español, chinés mandarín, francés, portugués, alemán e ata lingua de signos estadounidense.
Fonte: Observer & Eccentric
Subscríbase ao boletín
