Un total de 14 425 docentes madrileños de colexios e institutos públicos e concertados recibiron os cursos gratuítos que ofreceu a Comunidade de Madrid desde 2008 para aprender inglés.
Fonte: El Correo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de abril de 2012
11 de abril de 2012
O secretario de Política Lingüística da Consellería de Cultura, Educación e Ordenación Universitaria, Valentín García, presentou en rolda de prensa o segundo DVD Ben falado! que estará dispoñible a partir da vindeira semana nas principais librerías de Galicia.
Fonte: Xunta de Galicia
10 de abril de 2012
Máis de 700 institucións de ensino de idiomas estranxeiros establecéronse na capital chinesa (Pequín) para animar a poboación a aprender outro idioma, anunciou o comité organizador do programa "Pequín fala linguas estranxeiras”.
Fonte: Spanish China.org
10 de abril de 2012
O presidente da República de Chechenia, Ramzan Kadyrov, asinou un decreto polo que se aproba a celebración do festival da lingua chechena. Con motivo deste acontecemento, a república organizará concursos de relatos e poemas, así como conferencias e competicións que terán como principal protagonista a lingua chechena.
Fonte: Vestnik Kavkaza
10 de abril de 2012
Só un de cada 40 diplomáticos do Reino Unido pode falar con fluidez a lingua do país no que traballa e a maioría mesmo carece de coñecementos básicos para os intercambios comunicativos do día a día. Algunhas embaixadas británicas, como a de Acerbaixán, Bielorrusia, Cuba, Exipto, Malaisia e Filipinas non contan con diplomáticos que falen a lingua local.
Fonte: The Telegraph
10 de abril de 2012
O Concello eskoriatzarra realizou, como todos os anos, o estudo e avaliación do uso do idioma dos documentos municipais durante o ano pasado. O obxectivo é avaliar os avances no uso escrito do éuscaro, para o que o Concello levou a cabo a medición lingüística das resolucións de Alcaldía e dos documentos de entrada e saída do rexistro municipal.
Fonte: Diario Vasco
10 de abril de 2012
A Asociación Cultural Faceira criticou o Goberno de Castela e León porque, ao seu xuízo, se nega a cumprir o artigo 5.2 do Estatuto de Autonomía, no que se establece a “protección específica” do leonés e a necesidade de regular a súa “protección, uso e promoción”.
Fonte: Europa Press
10 de abril de 2012
Ruso, chinés mandarín e romanés son os idiomas máis demandados no servizo de teletradución instalado pola Secretaría Xeral de Igualdade nos centros de información á muller, nas casas de acollida que asisten as vítimas de violencia de xénero e nas entidades e ONG que desenvolven a súa actividade solidaria neste eido.
Fonte: Xunta de Galicia
10 de abril de 2012
A lingua orixinaria da etnia xitana, o caló, está en desuso en España. Co propósito de que non se perda, o IES Ribeira do Louro impulsou un proxecto multimedia para que calquera persoa poida aprender a lingua nativa dos xitanos e a súa cultura a través de internet.
Fonte: Faro de Vigo
10 de abril de 2012
O secretario xeral de Política Lingüística, Valentín García, asistiu á actividade Galego de cine, organizada no marco do programa de dinamización lingüística FalaRedes.
Fonte: Xunta de Galicia
Boletín
Subscríbase ao boletín
