A final do concurso galego de freestyle CeibaRimas celebrarase o sábado 12 de outubro en Pontevedra para promover o uso do galego entre a mocidade. O evento inclúe batallas de rap improvisado, concertos de artistas consolidados e emerxentes, e repartirá premios en metálico e agasallos. O CeibaRimas busca normalizar o uso da lingua galega no ámbito da cultura urbana.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de outubro de 2024
08 de outubro de 2024
Un xulgado de San Sebastián declarou "desproporcionado e discriminatorio" esixir o coñecemento de éuscaro para todos os postos de limpeza en albergues nunha convocatoria de emprego da Deputación Foral. O sindicato CC. OO. defende que é posible compatibilizar os dereitos lingüísticos e laborais, tendo en conta que non todo o persoal de limpeza ten contacto directo co público, o que limita a necesidade do perfil lingüístico.
08 de outubro de 2024
O conselleiro de Educación, Ciencia, Universidades e FP, Román Rodríguez, participou na inauguración da exposición «José Rodríguez. O matemático de Bermés», organizada pola Real Academia Galega de Ciencias en colaboración coa Xunta de Galicia.
07 de outubro de 2024
O Parlamento de Kirguizistán realizou unha proba de proficiencia de lingua kirguiz para determinar o nivel que os parlamentarios e o funcionariado da administración teñen da lingua vernácula.
Fonte: AKIpress
07 de outubro de 2024
O Tribunal Superior Electoral do Brasil (TSE, polas súas siglas en portugués) traduciu carteis con información electoral a dúas linguas indíxenas, guaraní e nheengatu, en sete estados brasileiros.
Fonte: Sbt News
07 de outubro de 2024
O Concello de Irún presentou as actividades gratuítas dos programas "Familia Ola" e "Haurrak Parkean", que buscan promover o uso do éuscaro no ámbito familiar mediante actividades ao aire libre. Estas iniciativas, impulsadas polo Servizo de Éuscaro en colaboración coa asociación HEZEN, levan anos reforzando a transmisión da lingua dentro da familia.
07 de outubro de 2024
As axudas repartiranse entre 47 entidades sociais de 25 municipios da provincia de Pontevedra para que poñan en marcha actividades de dinamización da lingua galega.
Fonte: Pontevedra Viva
07 de outubro de 2024
O secretario xeral da Lingua, Valentín García, participou na entrega dos premios da XIII edición do Proxecto Didáctico Antonio Fraguas, que se celebrou no Museo do Pobo Galego. Este certame de investigación escolar sobre o patrimonio lingüístico e cultural galego é unha iniciativa da Fundación Antonio Fraguas Fraguas coa que colabora a Consellería de Cultura, Lingua e Xuventude por medio da Secretaría Xeral da Lingua.
06 de outubro de 2024
A Plataforma Andorrana pola Lingua presentou un estudo que constata o uso limitado do catalán nos comercios e grandes almacéns de Andorra.
Fonte: Diari de la Llengua
06 de outubro de 2024
Con motivo do Día Mundial dos Pobos Indíxenas, a Secretaría Xeral Iberoamericana lanzou unha campaña para promover a riqueza das linguas indíxenas. A campaña ten o nome de Cada palabra conta: Preservamos o pasado, impulsamos o futuro.
Fonte: Segib
Boletín
Subscríbase ao boletín
