Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Aínda que os índices seguen a ser baixos, entre 2013 e 2022 o índice de alumnos e alumnas de primaria que estudan dúas ou máis linguas estranxeiras subiu do 4,6% ao 6,5%. Os países con porcentaxes máis altas son Luxemburgo, Letonia, Grecia e Estonia.
Fonte: Eurostat
Ambas as institucións asinaron un convenio de colaboración, cuxa vixencia é de catro anos, para o fomento do coñecemento e o uso do valenciano no municipio e inclúe accións en materia de comunicación, persoal, asesoramento, bibliotecas e promoción lingüística.
Fonte: Loclar
En total son dous cursos que se impartirán de outubro a decembro: un de nivel 1 (30 horas), para persoas que desexen iniciarse na escrita creativa en lingua galega; e outro de nivel 2 (20 horas), para quen queira mellorar as súas destrezas literarias neste idioma.
Fonte: Consello da Cultura Galega
O Parlamento de Lituania aprobou unha lei que prohibirá as empresas e os traballadores estranxeiros a se comunicaren en lituano antes de 2026.
Fonte: LRT
A Estaya de la Llingua de Avilés organiza o ciclo de obradoiros "Pa que nun t'aburras", dirixido a nenos e nenas de 4 a 8 anos para promover a creatividade e a cultura asturiana. Impartidos pola educadora Rosa Cuervo, realizaranse entre outubro e decembro, con temas como a arte, a gastronomía e as tradicións do Nadal.
A Facultade de Dereito do campus de Ourense celebrou o seminario "O dereito tamén en galego", co obxectivo de destacar a importancia do galego no estudo do Dereito e nas profesións xurídicas. O evento incluíu unha conferencia sobre a historia do dereito en Galicia, ofrecida por Luis Rodríguez Ennes, e outra sobre os dereitos lingüísticos na práctica xurídica, a cargo de Elsa Quintas. Ambas abordaron a relevancia do uso do galego no ámbito legal e as dificultades que existen para a súa normalización.
As consellerías de Cultura, Lingua e Xuventude, a través da Secretaría Xeral da Lingua, e de Política Social, a través da Dirección Xeral de Familia, Infancia e Dinamización Demográfica, e mais a Asociación Galega de Familias de Acollida (Acougo), presentaron o novo proxecto Os Bolechas. Familias acolledoras, un conxunto de materiais dirixidos á xente miúda e ás familias que participan en acollida temporal de nenos e nenas, que teñen como finalidade dinamizar o uso do galego nestes procesos.
O Plan estratéxico para a lingua catalá ten como obxectivo fomentar o seu uso social na cidade e garantir o seu emprego na Administración local. Estrutúrase en catro eixes e prevese a creación dun portal web que conterá unha caixa de suxestións cidadá e información sobre dereitos e deberes lingüísticos, campañas de fomento da lingua catalá, contactos de entidades de defensa lingüística e formación.
O secretario xeral da Lingua, Valentín García, acompañou a Daniel Chapela na presentación da obra Biscoito de laranxa (Editorial Galaxia, 2024), peza galardoada co segundo premio na categoría de poesía na edición 2022 do certame Xuventude Crea, que promove a Xunta de Galicia a través da Consellería de Cultura, Lingua e Xuventude.
Os trens da compañía ferroviaria Northern, que opera no norte de Inglaterra, introducirá anuncios en lingua de signos en todas as súas conexións.
Fonte: BBC
Subscríbase ao boletín
