Nenos indíxenas de educación primaria e secundaria de México recibirán clases das súas linguas maternas. As linguas incluídas neste programa educativo serán inicialmente o maia, o náhuatl, o nñahñu e o tutunacu.
Fonte: Notisistema
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de xullo de 2011
Catrocentas persoas de corenta nacionalidades distintas participarán este mes de xullo nos cursos de verán de lingua e cultura españolas para estudantes estranxeiros e de formación para profesores de español como lingua estranxeira que organiza Cursos Internacionais da USC.
12 de xullo de 2011
Panamá acollerá en 2013 o sexto Congreso Internacional da Lingua Española, unha cita que foi tratada na reunión de traballo que mantivo no Instituto Cervantes unha vintena de altos responsables de institucións culturais españolas.
Fonte: Xornal de Galicia
12 de xullo de 2011
A información dispoñible, que se pode consultar no enderezo "www.rednoviolenciagex.com", está estruturada en varios bloques que dan resposta ás dúbidas máis frecuentes sobre a denuncia, a orde de protección e os recursos dispoñibles.
Fonte: ABC
12 de xullo de 2011
O secretario xeral de Política Lingüística, Anxo Lorenzo, visitou os concellos pontevedreses de Cangas e de Redondela co fin de valorar cos seus alcaldes novas vías de cooperación para promover o uso do galego desde o ámbito local.
Fonte: Xunta de Galicia
11 de xullo de 2011
Armenios da rexión de Javakhk en Xeorxia están en contra do sistema de educación bilingüe introducido polo Goberno nas escolas de minorías étnicas, xa que pode significar un obstáculo para o estudo da lingua nativa armenia.
Fonte: PanArmenian.net
11 de xullo de 2011
O Goberno de Quebec publicou un novo sitio web do departamento de sanidade unicamente en francés a pesar de que as leis obrigan a empregar tamén o inglés en todas as comunicacións cos cidadáns.
Fonte: National Post
11 de xullo de 2011
O Campus de Las Llamas da Universidade Internacional Menéndez Pelayo (UIMP) inaugurará a quinta edición do “Máster Universitario en Ensino do Español como Lingua Estranxeira".
Fonte: 20 minutos
11 de xullo de 2011
Ata o pasado mes de xuño, o total de ertzainas que teñen acreditado o perfil lingüístico da súa dotación é de 2.760, é dicir, o 34,5 por cento do total.
Fonte: ABC
11 de xullo de 2011
Os distribuidores e a Consellería de Cultura selan a paz. Dobraranse ao catalán entre 35 e 40 títulos de éxito ao ano e o festival de Sitges volverá ter filmes de grandes estudios, tras o veto da última edición.
Fonte: La Vanguardia
Boletín
Subscríbase ao boletín
