O número de alumnos de lingua portuguesa continúa a medrar en Venezuela. Na área da capital, Caracas, hai máis de 1700 estudantes activos, aínda que existe unha falta de salas axeitadas para o ensino.
Fonte: Notícias Sapo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de xullo de 2011
Dous empresarios neozelandeses deseñaron o primeiro teclado do mundo en lingua maorí coincidindo coa Semana da Lingua Maorí en Nova Zelandia.
Fonte: The Daily Post
09 de xullo de 2011
O ministro de Educación sueco, Jan Björklund, planea introducir clases de chinés nas escolas. Con esta medida Suecia converteríase no primeiro país de Europa en ofrecer esta lingua no ensino. O ministro defendeu que o acceso á lingua chinesa das futuras xeracións é crucial para ser máis competitivos no marco económico actual.
Fonte: Financial Times
08 de xullo de 2011
O Instituto Goethe, que cumpre nestas datas sesenta anos, fundouse en 1951. Cos seus 150 centros en 92 países dos cinco continentes é o principal organismo destinado á difusión da lingua e cultura alemás no mundo.
Fonte: DRadio Wissen
08 de xullo de 2011
O secretario executivo da Xarxa Vives, Ignasi Casadesús, informou nunha rolda de prensa en Barcelona de que os 957 estudantes que pediron estudar catalán supoñen un incremento do 43 % respecto ao ano anterior.
Fonte: ABC
08 de xullo de 2011
A delegación da Xunta de Galicia en Ourense incorporou o «servizo de videointerpretación para persoas xordas», o que lle permitirá ao colectivo de persoas con discapacidade auditiva da provincia realizar as súas xestións ante o rexistro xeral da delegación sen ter que acudir obrigatoriamente cun intérprete da lingua de signos.
Fonte: La Voz de Galicia
08 de xullo de 2011
O Premio Luísa Villalta a iniciativas normalizadoras outorgará 3.000 euros a quen deseñe a mellor campaña de normalización e 1.500 euros a quen teña a mellor idea para a promoción do galego.
Fonte: CTNL
08 de xullo de 2011
O galego participa na IV Conferencia ALTE, referente europeo na avaliación de coñecemento de linguas
O idioma galego estará presente na IV Conferencia Internacional de ALTE, a Asociación de Avaliadores de Linguas en Europa (Association of Language Testers of Europe).
Fonte: Xunta de Galicia
07 de xullo de 2011
Unha delegación conformada por membros da asociación A Mesa pola Normalización Lingüística e a plataforma Queremos Galego denunciou ante os membros do Comité de Expertos da Carta Europea das Linguas Rexionais ou Minoritarias os "pasos atrás gravísimos" emprendidos desde a chegada de Alberto Núñez Feijóo ao Goberno galego en 2009.
Fonte: Europa Press
07 de xullo de 2011
A Secretaría de Universidades e Investigación da Generalitat de Catalunya, a través da Axencia de Xestión de Axudas Universitarias e de Investigación (Agaur), destinará 80.000 euros a uns 160 doutorandos que defenderan a súa tese en catalán durante 2010.
Fonte: Europa Press
Boletín
Subscríbase ao boletín
