Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Divulgar e fomentar a aprendizaxe en galego de coñecementos científicos dunha forma amena e divertida é un dos obxectivos da colección “Descubrindo os corpos”, que acaba de ver a luz da man de Edicións A Nosa Terra e que está financiada pola Secretaría Xeral de Política Lingüística.
Fonte: Xunta de Galicia
A Comisión de Educación, Cultura, Ciencia, Tecnoloxía e Deportes do Parlamento do Mercosur aprobou unha recomendación para o Consello do Mercado Común co fin de que o guaraní sexa considerado idioma oficial do Mercosur e se converta en idioma de traballo do bloque rexional, como o español e o portugués.
Fonte: DCI
O 43% dos alumnos da Universidade Pública de Navarra (UPNA) cre que o éuscaro debería ter no futuro un novo tratamento regulado por lei que permita "maiores dereitos" no uso e o ensino desta lingua.
Fonte: Europa Press
O conselleiro de Educación valenciano, Alejandro Font de Mora, afirmou que a nova versión de LliureX impulsada polo seu departamento porá a disposición do profesorado do sistema educativo os laboratorios de idiomas.
Fonte: La Razón
O obxectivo é reunir 500.000 sinaturas para que o Parlamento español aprobe unha lei que garanta a recepción das televisións en catalán nos países de lingua catalá. As sinaturas buscaranse en todo o territorio español.
Fonte: Món Divers
A nova edición do Atlas da Organización das Nacións Unidas para a Educación, a Ciencia e a Cultura (UNESCO) contén datos actualizados sobre máis de 2500 linguas en perigo. O comunicado afirma que a publicación da ferramenta interactiva será unha das actividades programadas para o Día Internacional da Lingua Materna.
Fonte: Prensa Latina
No marco do convenio de colaboración que mantén coa Viceconsellería de Política Lingüística do Goberno vasco, a ONCE adaptará 170 obras literarias en éuscaro ás necesidades das persoas con discapacidade visual.
Fonte: Diario Vasco
A Secretaría Xeral de Política Lingüística vén de presentar dúas iniciativas relacionadas coa mocidade e co audiovisual en galego, destinadas a promover o uso do galego entre o alumnado da comunidade.
Fonte: Xunta de Galicia
A empresa audiovisual catalá Multisignes presentou o seu novo dicionario interactivo (formato CD-Rom) que traduce do inglés, español e catalán a sistema de signos internacional en formato de vídeo.
Fonte: Diario Signo
A primeira edición en idioma quechua da nova Constitución Política do Estado de Bolivia foi divulgada no multitudinario acto no que o presidente Evo Morales promulgou a carta política na cidade andina de El Alto.
Subscríbase ao boletín
