Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A vicepresidenta de Colombia, Francia Márquez, anunciou, despois da súa visita ao continente africano, que formalizou as relacións para que a cidadanía colombiana poida acceder a bolsas para aprender o suahili, un dos idiomas máis importantes de África.
Fonte: El Colombiano
O Goberno do Perú permitirá que o Rexistro Nacional de Identificación e Estado Civil (Reniec, polas súas siglas en castelán) poida emitir actas rexistrais en lingua asháninka e castelán. Con este idioma, xa son vinte e dúas as linguas orixinarias nas que se pode facer este trámite.
Fonte: Panamericana
A estrela coñecida como GJ 486 e o seu planeta pasarán a denominarse coas palabras en éuscaro Gar e Su, mentres que o sistema de WASP-166 recibirá os nomes de Filetdor e Catalineta, da tradición oral mallorquina.
Fonte: The Objective
A lingua de signos surafricana pode converterse en breve no duodécimo idioma oficial de Suráfrica despois de que o Parlamento aprobase a necesaria modificación da Constitución para que a oficialización poida ter lugar.
Fonte: The Conversation
Esta oficina conta cunha traballadora que domina as linguas de signos catalá, española e internacional e agora poderá mellorar a atención das persoas xordas mediante un dispositivo de videointerpretación.
Fonte: Generalitat de Catalunya
O alumnado de 4º da ESO deste centro puxo en marca a campaña "Aquí tamén se fala galego" dirixida aos comercios da cidade coa que pretende demostrar que na Coruña si se fala esta lingua.
Fonte: Quincemil
A Dirección Insular de Política Lingüística outorgoulles a 107 entidades e empresas axudas para o impulso do uso do catalán na rotulación, a etiquetaxe, a edición de material impreso, a merchandaxe, as páxinas web ou as aplicacións para móbiles, entre outras.
A vixésimo sétima edición destes galardóns recoñecen o labor do xornal dixital Gciencia, por darlle visibilidade ao galego nas redes sociais; a Rosa Castro Legazpi, pola súa contribución á consolidación desta lingua nos medios de comunicación; e a Felipe Senén López, pola súa traxectoria na defensa do patrimonio cultural de Galicia.
O pleno do Congreso do Perú aprobou unha iniciativa popular para que o español poida ser recoñecido como idioma oficial do Tribunal Internacional de Xustiza.
Fonte: Congreso de la República
O Tribunal Administrativo de Montpellier, en Francia, anulou o regulamento dos concellos de Elna, Els Banys, Tarerac, Portvendres e Sant Andreu de Sureda (Cataluña do Norte) que permitía empregar o catalán nos plenos. O tribunal argumenta que o francés non pode ficar relegado a unha simple lingua de tradución.
Fonte: El Periódico
Subscríbase ao boletín
