Un total de 418 estudantes conseguiron en 2020 o Premio da Lingua Scots (SCQF) en comparación cos 100 estudantes do ano anterior. Estas cifras mostran un incremento no interese por aprender e estudar esta lingua.
Fonte: The Scotsman
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de xaneiro de 2021
O Tribunal Constitucional de Moldova anulou unha lei sobre o uso das linguas e sentenciou que o idioma ruso deixará de ter o status de lingua de trato internacional.
Fonte: Sputnik
25 de xaneiro de 2021
O Deportivo Alavés cumpre cen anos e para conmemoralo conta cun novo himno, en castelán, composto e interpretado por Mikel Izal, e cunha versión en éuscaro, adaptada por Miren Agur Meabe.
Fonte: Gasteiz Hoy
25 de xaneiro de 2021
A colección de suplementos temáticos para correctores da USC incorpora un novo dicionario personalizado relativo ao ámbito das Ciencias da Saúde que ten como obxectivo facilitar o uso do galego escrito na comunicación académica e científica de diversas disciplinas.
25 de xaneiro de 2021
Segundo a Mesa pola Normalización Lingüística, o emprego do galego nos xulgados do social de Galicia é inferior ao 1 %, o que para esta plataforma supón unha vulneración dos dereitos lingüísticos.
Fonte: Galicia Confidencial
22 de xaneiro de 2021
O Exame de Proficiencia de Coreano como Lingua Estranxeira (TOPIK, polas súas siglas en inglés) será administrado tres veces este ano fóra das fronteiras de Corea. O Instituto Nacional de Educación Internacional é a institución encargada de levar a cabo a proba.
Fonte: The Korea Herald
22 de xaneiro de 2021
Arredor de 200 intérpretes de lingua de signos portuguesa esperan que o Goberno de Portugal regulamente a súa profesión despois de que esta gañase visibilidade coa pandemia.
Fonte: RTP Notícias
22 de xaneiro de 2021
O Goberno de Aragón e a Comarca de Sobrarbe convocan a cuarta edición dos premios Espiello Agora x l’aragonés, un galardón que ten como obxectivo difundir o patrimonio lingüístico aragonés e fomentar a creación audiovisual nesta lingua.
Fonte: Diario del Alto Aragón
22 de xaneiro de 2021
A Dirección Xeral de Política Lingüística actualizou e reeditou a guía Viure a Catalunya. Aprenem català des del rus dirixida á poboación de Cataluña falante de ruso que quere aprender catalá e que xa está dispoñible en formato dixital para a súa descarga.
Fonte: Generalitat de Catalunya
22 de xaneiro de 2021
A partir do 25 de xaneiro xa se pode xogar en lingua galega, así como en español, inglés, ruso, chinés, alemán e francés, a The Waylanders, un videoxogo de rol de fantasía desenvolvido polo estudio coruñés Gato Salvaje.
Fonte: Praza Pública
Boletín
Subscríbase ao boletín
