Os seis termos finalistas son ecocidio, feminicidio, narcosubmarino, negociación, quecemento global e sentidiño. O público poderá participar na votación virtual, a través do Portal das Palabras, ata as 23:59 horas do 25 de decembro.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de decembro de 2019
18 de decembro de 2019
O Goberno do Estado de São Paulo anunciou a finalización das obras de reconstrución e restauración do Museo da Lingua Portuguesa que sufrira un incendio en decembro de 2015. A data prevista de reapertura será o 25 de xuño.
Fonte: Sprio+
18 de decembro de 2019
Esta campaña busca apoiar e facer visibles os dereitos lingüísticos dos falantes de valenciano, polo que inclúe unha plataforma web a través da cal se poden realizar, entre outras, reclamacións ante calquera entidade pública da comunidade así como consultar unha guía práctica de dereitos lingüísticos.
Fonte: 20 minutos
18 de decembro de 2019
Segundo o informe do Consello de Europa, España incumpre os seus compromisos europeos para preservar a riqueza lingüística. Así mesmo, realiza unha serie de recomendacións para que o Goberno español reforce o uso das linguas cooficiais na Administración central e garanta o dereito da cidadanía a utilizalas nos procesos xudiciais.
Fonte: The World News
18 de decembro de 2019
Afastar a lingua dos debates partidistas e impulsar un acordo social e político sobre o éuscaro son os principais compromisos en materia lingüística do Goberno Foral presentados perante o Consello Navarro do Éuscaro, ademais das liñas de acción que se van desenvolver, como a redacción dun segundo plan estratéxico.
Fonte: Noticias de Navarra
18 de decembro de 2019
O Concello de Vigo organiza unha nova edición de “No Nadal… un conto”, un programa de actividades destinado ao público familiar e infantil que busca crear espazos de lecer en galego. A iniciativa, que se desenvolverá entre o 15 de decembro de 2019 e o 4 de xaneiro de 2020 en diferentes lugares da cidade, inclúe obradoiros de ilustración, música e xogos, entre outras actividades.
Fonte: Consello da Cultura Galega
18 de decembro de 2019
O grupo do partido Die Linke (a Esquerda) do Parlamento da República Federal de Alemaña fixo unha petición para que se aclare a situación do ensino da lingua rusa en Alemaña e se fomente a súa incorporación en máis centros educativos.
Fonte: Elpaís.cr
18 de decembro de 2019
A rede pública de radio e televisión do Canadá, CBC, acaba de lanzar o seu primeiro podcast en lingua cree, un idioma aborixe falado por unhas 50 000 persoas en varias provincias canadenses.
Fonte: CBC
17 de decembro de 2019
Desde hai sete anos a Universidade de Valencia traballa por acadar este obxectivo través do seu Servizo de Política Lingüística que, con accións concretas, conseguiu asegurar este curso o 46 % da docencia en valenciano.
Fonte: Valencia Extra
17 de decembro de 2019
O I Premio de Guión en Galego para Longametraxe 2019, que convoca a Asociación Sindical Galega de Guionistas (AGAG), xa ten tres finalistas, entre os que se escollerá o gañador que se coñecerá nunha cerimonia o 20 de decembro.
Fonte: Faro de Vigo
Boletín
Subscríbase ao boletín
